തിരുവനന്തപുരം: ബംഗാള് ഉള്ക്കടലില് മോന്താ ചുഴലിക്കാറ്റ്. അതിതീവ്ര ന്യുനമര്ദ്ദം തെക്കുപടിഞ്ഞാറന് ബംഗാള് ഉള്ക്കടലിന്റെയും അതിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടലിന്റെയും മുകളിലായി ‘മോന്താ’ ചുഴലിക്കാറ്റുള്ളതായി കേന്ദ്ര കാലാവസ്ഥ വകുപ്പ് അറിയിച്ചു.
ഒക്ടോബര് 28 ഓടെ മോന്താ ചുഴലിക്കാറ്റ് ശക്തി പ്രാപിക്കാന് സാധ്യതയുണ്ട് എന്നാണ് അറിയിപ്പ്. മധ്യ കിഴക്കന് അറബിക്കടലിനു മുകളിലായി തീവ്ര ന്യുനമര്ദ്ദം സ്ഥിതി ചെയ്യുന്നു. അതിനാല് അടുത്ത 48 മണിക്കൂറിനുള്ളില് മധ്യ കിഴക്കന് അറബിക്കടലിലൂടെ വടക്ക് വടക്കു കിഴക്കന് ദിശയില് നീങ്ങാനാണ് സാധ്യത.
കേരളത്തില് അടുത്ത ദിവസങ്ങളില് ഇടിയോടുകൂടിയ മഴയ്ക്ക് സാധ്യതയുണ്ട്. നിലവില് കേരളത്തില് എല്ലാ ജില്ലകളിലും മഴ മുന്നറിയിപ്പ് നല്കിയിരിക്കുകയാണ്. എറണാകുളം, ഇടുക്കി, തൃശ്ശൂര്, കോഴിക്കോട്, കണ്ണൂര്, കാസര്കോട് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. മറ്റ് ജില്ലകളില് യെല്ലോ അലര്ട്ടാണ്.
Discussion about this post