കോഴിക്കോട്:കോഴിക്കോട് കോണ്ഗ്രസ് ജില്ലാ കമ്മിറ്റി, പേരാമ്പ്ര സംഘര്ഷത്തിന്റെ കൂടുതല് സിസിടിവി ദൃശ്യങ്ങള് പുറത്തുവിട്ടു. സ്ഫോടക വസ്തുക്കള് പൊലീസ് നിന്ന ഭാഗത്തു നിന്നാണ് വന്നതെന്ന് ഡിസിസി പ്രസിഡന്റ് കെ പ്രവീണ്കുമാര് പറഞ്ഞു.
പൊലീസാണ് സ്ഫോടക വസ്തുക്കള് എറിഞ്ഞതെന്നും ഇതുമായി ബന്ധപ്പെട്ട ആറു ദൃശ്യങ്ങളാണ് കോഴിക്കോട് ഡിസിസി പുറത്തു വിട്ടത് എന്നും ഡിസിസി പ്രസിഡന്റ് പറഞ്ഞു.
പൊലീസ് നില്ക്കുന്ന ഭാഗത്തു നിന്നും ഒരു വസ്തു മുകളിലൂടെ വരുന്നതും, തൊട്ടപ്പുറത്തു ചെന്ന് പൊട്ടുന്നതും ദൃശ്യങ്ങളിലുണ്ട്. തൊട്ടുമുമ്പ് ഗ്രനേഡ് എറിയുന്നു. അതിന്റെ പുക അന്തരീക്ഷത്തില് നിറയുന്നു. കോണ്ഗ്രസ് പ്രവര്ത്തകര് ആകെ ബുദ്ധിമുട്ടുന്നുവെന്നും അപ്പോഴാണ് സ്ഫോടക വസ്തു വരുന്നതും നിലത്തു വീണു പൊട്ടുന്നതുമെന്നും പ്രവീണ് കുമാര് പറഞ്ഞു.