കോഴിക്കോട്: കോഴിക്കോട് അസാധാരണമാംവിധം കടല് ഉള്വലിഞ്ഞു. കോഴിക്കോട് സൗത്ത് ബീച്ച് ഭാഗത്ത് ഏകദേശം 200 മീറ്ററിലധികം ദൂരത്തേക്ക് ആണ് കടൽ ഉൾവലിഞ്ഞത്.
ഇതോടെ പ്രദേശത്ത് ചെളിക്കെട്ട് രൂപം കൊണ്ടു. ബുധനാഴ്ച രാത്രി മുതലാണ് കടല് ഉള്വലിയാന് ആരംഭിച്ചത്. വൈകീട്ടോടെ തന്നെ കടല് ഉള്വലിയുന്ന പ്രതിഭാസം കണ്ടുതുടങ്ങിയിരുന്നതായി മത്സ്യത്തൊളിലാളികളും പറയുന്നു.
രാത്രിയോടെ വലിയ തോതില് കടല് ഉള്വലിയുകയായിരുന്നു. സംഭവത്തിൽ പ്രദേശവാസികൾ ആശങ്കയിലാണ്. നിലവില് കടലില് ഏതെങ്കിലും തരത്തിലുള്ള മുന്നറിയിപ്പുകള് ഒന്നും തന്നെ നിലവിലില്ല.
അതേസമയം, പുലര്ച്ചയോടെ ഉള്വലിഞ്ഞ ഭാഗങ്ങളില് ചിലയിടങ്ങളില് തിരയടിച്ച് തുടങ്ങുകയും ചെയ്തിട്ടുണ്ട്. ഇത് സ്വാഭാവിക പ്രതിഭാസമാണെന്നാണ് വിദഗ്ധര് അഭിപ്രായപ്പെടുന്നത്.
Discussion about this post