എറണാകുളം: വലിയ വിവാദമായിരിക്കുന്ന ശബരിമല സ്വര്ണപ്പാളിയില് 475 ഗ്രാമോളം നഷ്ടമായെന്ന് ഹൈക്കോടതി. 474.99 ഗ്രാം സ്വർണത്തിന്റെ ക്രമകേട് നടന്നുവെന്ന് വ്യക്തമായെന്ന് കോടതി നിരീക്ഷിച്ചു.
വിജിലൻസ് കണ്ടെത്തലുകളിൽ നിഷ്പക്ഷ അന്വേഷണം വേണമെന്ന് ഹൈക്കോടതി വ്യക്തമാക്കി. സംസ്ഥാന പൊലീസ് മേധാവിയെ കേസില് കക്ഷി ചേര്ത്തു. ദേവസ്വം വിജിലൻസ് സമര്പ്പിച്ച അന്തിമ റിപ്പോർട്ട് പരിഗണിച്ച ശേഷമാണ് കോടതിയുടെ നടപടി.
സ്വർണം പൂശാൻ ദേവസ്വം കമ്മീഷണറുടെ നിർദേശ പ്രകാരമാണ് ഉണ്ണികൃഷ്ണൻ പോറ്റിക്ക് കൈമാറിയത്. മഹസറിൽ രേഖപെടുത്തിയത് ചെമ്പു പാളി എന്നാണ്, സ്വർണം എന്നല്ല.
ശില്പങ്ങൾ സ്മാർട്ട് ക്രിയേഷന്സില് എത്തിച്ചപ്പോള് സ്വർണ്ണത്തിന്റെ പാളി ഉണ്ടായിരുന്നു. ഇത് മാറ്റൻ പോറ്റി ഇവർക്കു നിർദേശം നൽകി .സ്മാർട്ട് ക്രീയേഷൻസിൽ നിന്ന് ഈ സ്വർണം പോറ്റിക്ക് കൈമാറി. എന്നാൽ പോറ്റി ഇത് ബോര്ഡിന് ഇത് വരെ കൈമാറിയിട്ടില്ല. ആരോപണങ്ങളിലും കണ്ടെത്തലുകളിലും നിഷ്പക്ഷ അന്വേഷണം നടത്തണമെന്നും കോടതി അറിയിച്ചു.
രണ്ടാഴ്ചയിലൊരിക്കൽ അന്വേഷണ പുരോഗതി കോടതിയെ അറിയിക്കണമെന്നും ആറാഴ്ചക്കുള്ളില് അന്വേഷണ റിപ്പോര്ട്ട് സമര്പ്പിക്കണമെന്നും ഹൈകോടതി നിര്ദേശിച്ചു.
Discussion about this post