കോഴിക്കോട്: താമരശ്ശേരി താലൂക്ക് ആശുപത്രിയില് ഡോക്ടറെ വെട്ടി പരിക്കേല്പ്പിച്ച സംഭവത്തില് ശക്തമായ പ്രതിഷേധത്തിനൊരുങ്ങുകയാണ് ഡോക്ടര്മാര്. നാളെ കോഴിക്കോട് ജില്ലയിലെ അത്യാഹിത വിഭാഗത്തിലൊഴികെയുള്ള ഡോക്ടര്മാര് പണിമുടക്കാന് തീരുമാനിച്ചിരിക്കുകയാണ്.
വന്ദന ദാസിന്റെ മരണ സമയത്ത് ആരോഗ്യ പ്രവര്ത്തകര്ക്ക് നല്കിയ വാഗ്ദാനങ്ങളൊന്നും സര്ക്കാര് പാലിച്ചില്ലെന്നും ഇതേ തുടര്ന്നാണ് പ്രതിഷേധത്തിനൊരുങ്ങുന്നത് എന്നും കെജിഎംഒഎ സംസ്ഥാന അധ്യക്ഷന് ഡോ പി കെ സുനില് മാധ്യമങ്ങളോട് പറഞ്ഞു. എക്സ് സര്വ്വീസ് ഉദ്യോഗസ്ഥരെയാണ് സെക്യൂരിറ്റി പോസ്റ്റില് നിയമിക്കേണ്ടത് എന്നാല് പ്രായംചെന്ന മനുഷ്യന്മാരെയാണ് സെക്യൂരിറ്റിയായി നിയമിച്ചിരിക്കുന്നതെന്നും അദ്ദേഹം ആരോപിച്ചു.
Discussion about this post