തിരുവനന്തപുരം: ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിന് ട്രെഡ് മില്ലില് നിന്നു വീണ് പരിക്ക്. ഫേസ്ബുക്കിലൂടെ രാജീവ് ചന്ദ്രശേഖര് തന്നെയാണ് ഇക്കാര്യം അറിയിച്ചത്.
ട്രെഡ് മില് ഉപയോഗിക്കുന്നതിനിടെ അലക്ഷ്യമായി ഫോണ് എടുക്കാന് ശ്രമിച്ചപ്പോള് നിലത്തു വീണു പരിക്കേല്ക്കുകയായിരുന്നുവെന്ന് രാജീവ് ചന്ദ്രശേഖർ ഫേസ്ബുക്കിൽ കുറിച്ചു.
ഫെയ്സ്ബുക്ക് കുറിപ്പിന്റെ പൂര്ണരൂപം
തെല്ല് വേദനയോടെയാണെങ്കിലും വിലപ്പെട്ട ഒരു പാഠം പഠിക്കാന് കഴിഞ്ഞു. ട്രെഡ് മില് ഉപയോഗിക്കുന്നതിനിടയില് അലക്ഷ്യമായി ഫോണ് എടുക്കാന് ശ്രമിച്ചാല് വീഴാനും പരുക്ക് പറ്റാനുമുള്ള സാധ്യത കൂടുതലാണ് എന്നതാണ് ആ പാഠം.
എനിക്ക് ഇന്ന് സംഭവിച്ചതും അത് തന്നെ. മുഖത്തെ പാടുകളും കഠിനമായ വേദനയുമാണ് ബാക്കിപത്രം. ഗുണപാഠം – ട്രെഡ് മില് ചെയ്യുമ്പോള് മൊബൈല് ഫോണ് ജാഗ്രതയോടെ മാത്രം ഉപയോഗിക്കുക.
Discussion about this post