മലപ്പുറം: മലപ്പുറത്ത് ഫുട്ബോള് മത്സരത്തിനിടെ കായികാധ്യാപകനെ മര്ദിച്ച വിദ്യാര്ഥികള്ക്കെതിരെ കേസ്. നാല് പേർക്കെതിരെയാണ് കേസ്. മങ്കട ഉപജില്ല സ്കൂള് കായിക മേളക്കിടെ ആയിരുന്നു മർദ്ദനം.
കൊളത്തൂര് നാഷണല് ഹയര് സെക്കണ്ടറിയിലെ കായിക അധ്യാപകന് ശ്രീരാഗിനാണ് മര്ദനമേറ്റത്. സംഭവത്തിൽ പരിയാപുരം സെന്റ് മേരീസ് സ്കൂള് വിദ്യാര്ഥികള്ക്കെതിരെയാണ് കേസെടുത്തത്.
പെരിന്തല്മണ്ണ പോളി ടെക്നിക് കോളജ് ഗ്രൗണ്ടില് നടന്ന ഫുട്ബോള് മത്സരത്തിനിടെ ഉണ്ടായ തര്ക്കമാണ് ആക്രമണത്തില് കലാശിച്ചത്.ഗോള് കീപ്പറെ മര്ദിക്കുന്നത് തടയാന് ശ്രമിക്കുന്നതിനിടെ ഒരു സംഘം ശ്രീരാഗിനെയും ആക്രമിക്കുകയായിരുന്നു.
Discussion about this post