ഡെറാഡൂണ്: മലയാളി ജവാന് ഡെറാഡൂണിലെ സൈനിക അക്കാദമിയില് മരിച്ച നിലയില്. തിരുവനന്തപുരം നേമം സ്വദേശി ബാലു എസ് ആണ് മരിച്ചത്.
ബാലുവിനെ സൈനിക അക്കാദമിയിലെ നീന്തല്ക്കുളത്തിലാണ് മരിച്ച നിലയില് കണ്ടെത്തിയത് എന്നാണ് ബന്ധുക്കള്ക്ക് ലഭിച്ച വിവരം. വ്യാഴാഴ്ചയാണ് ബാലു മരിച്ച വിവരം ബന്ധുക്കള്ക്ക് ലഭിച്ചത്.
അപകട മരണം ആണ് എന്ന നിലയിലാണ് സൈന്യത്തില് നിന്നും ലഭിച്ച വിവരം. പോസ്റ്റ് മോര്ട്ടം റിപ്പോര്ട്ട് ലഭിച്ചാല് മാത്രമേ മരണം സംബന്ധിച്ച കൂടുതല് വിവരങ്ങള് പുറത്തുവരുകയുള്ളു.
ബാലുവിന്റെ മൃതദേഹം ഇന്ന് രാത്രി തിരുവനന്തപുരത്ത് എത്തിക്കും. പാപ്പനംകോട് നിര്മാണത്തിലിരിക്കുന്ന ബാലുവിന്റെ പുതിയ വിട്ടില് മൃതദേഹം പൊതുദര്ശനത്തിന് വയ്ക്കും.
തുടര്ന്ന് ശാന്തികവാടത്തില് സൈനിക ബഹുമതികളോടെ മൃതദേഹം സംസ്കരിക്കും. ബാലു 13 വര്ഷമായി സൈന്യത്തില് ജോലി ചെയ്യുകയാണ്. നിലവില് ഇന്ത്യന് ആര്മിയില് ഹവില്ദാറാണ്.
ഡിപാര്ട്ട്മെന്റ് ടെസ്റ്റ് പൂര്ത്തിയാക്കി ലഫ്റ്റനന്റ് കേണല് പദവിയിലേക്ക് പ്രവേശിക്കാനിരിക്കെയാണ് മരണം. പുതിയ ജോലിയിലേക്കുള്ള ടെസ്റ്റുകള് പൂര്ത്തിയാക്കി ഫിസികല് ടെസ്റ്റുകള്ക്കായാണ് ബാലു ഡെറാഡൂണില് എത്തിയത്.
Discussion about this post