തിരുവനന്തപുരം: പ്ലസ് ടു വിദ്യാർഥിനിയെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. പാറശ്ശാല പെരുവിള പുല്ലൂർക്കോണത്ത് ആണ് സംഭവം. ലിനു രാജ് – ജതിജാ ദമ്പതികളുടെ മകളായ നയന ആണ് മരിച്ചത്.
17 വയസ്സായിരുന്നു. പാറശാല ഗവൺമെൻ്റ് ഹയർ സെക്കൻഡറി സ്കൂളിലെ വിദ്യാർഥിനിയാണ് നയന. കഴിഞ്ഞ രാത്രിയിൽ ഭക്ഷണം കഴിച്ചശേഷം മുറിയിൽ കതകടച്ചു കിടന്നതാണ്.
എന്നാൽ രാവിലെ മുറിയിൽ അനക്കമൊന്നും കണ്ടില്ല. തുറന്ന് വീട്ടുകാർ വാതിൽ കൊട്ടി വിളിച്ചെങ്കിലും തുറന്നില്ല. പിന്നാലെ വീട്ടുകാർ ജനൽ വഴി നോക്കിയപ്പോഴാണ് തൂങ്ങിയ നിലയിൽ കണ്ടത്..
നയനയുടെ ബന്ധുവിൻ്റെ വിവാഹമാണ് ഇന്ന്. പുതിയ വസ്ത്രം ഉൾപ്പടെ വാങ്ങി നയന ഒരുക്കത്തിലായിരുന്നെന്നും വീട്ടിലോ സ്കൂളിലോ മറ്റ് പ്രശ്നങ്ങളൊന്നും ഉണ്ടായിരുന്നതായി അറിയില്ലെന്നും നാട്ടുകാർ പറഞ്ഞു.
വിരലടയാള വിദഗ്ദരടക്കം പൊലീസ് സംഘം സ്ഥലത്തെത്തി നടപടികൾ പൂർത്തിയാക്കി മൃതദേഹം പോസ്റ്റുമോർട്ടത്തിനയച്ചു. പാറശാല പൊലീസ് കേസെടുത്തു അന്വേഷണം ആരംഭിച്ചു.
Discussion about this post