പാലക്കാട്: യുവതിയെ ഭര്തൃവീട്ടില് മരിച്ച നിലയില് കണ്ടെത്തി. പാലക്കാട് പുതുപ്പരിയാരത്ത് ആണ് സംഭവം. മാട്ടുമന്ത ചോളോട് സ്വദേശി മീര ആണ് മരിച്ചത്.
29 വയസ്സായിരുന്നു. കഴിഞ്ഞ ദിവസം ഭര്ത്താവുമായി പിണങ്ങി യുവതി സ്വന്തം വീട്ടിലേക്ക് വന്നിരുന്നു. രാതി 11 മണിയോടെ ഭര്ത്താവ് അനൂപ് എത്തി ഭര്തൃവീട്ടിലേക്ക് തിരികെ കൂട്ടിക്കൊണ്ടു പോകുകയായിരുന്നു.
യുവതിയുടെ മരണത്തില് ദൂരൂഹതയുണ്ടെന്ന് വീട്ടുകാര് ആരോപിച്ചു.അനൂപ് വഴക്കുണ്ടാക്കുകയും മീരയെ മര്ദ്ദിക്കുകയും ചെയ്യുമായിരുന്നുവെന്നും വഴക്കിനെത്തുടര്ന്നാണ് മീര സ്വന്തം വീട്ടിലേക്ക് വന്നതെന്നും വീട്ടുകാര് പറഞ്ഞു.
പൊലീസ് സ്റ്റേഷനില് പരാതി നല്കാമെന്ന് പറഞ്ഞതിനെത്തുടര്ന്ന് ഇരിക്കുമ്പോഴാണ് രാത്രി അനൂപ് എത്തി മീരയെ കൂട്ടിക്കൊണ്ടുപോയത്. രാവിലെ ഹേമാംബിക പൊലീസ് വിളിച്ചാണ് യുവതി മരിച്ച കാര്യം അറിയിക്കുന്നതെന്നും ബന്ധുക്കള് പറയുന്നു.
Discussion about this post