തിരുവനന്തപുരം: സംസ്ഥാനത്ത് ഓണം സീസണിലെ മദ്യ വില്പന റെക്കോര്ഡ് സൃഷ്ടിചിരിക്കുകയാണ്.
ഇത്തവണ ഏറ്റവും കൂടുതൽ വില്പന നടന്നത് മലപ്പുറം തിരൂരിൽ ആണ്.
പെരിന്തല്മണ്ണ വെയര് ഹൗസിന് കീഴിലുള്ള തിരൂര് ഔട്ട്ലറ്റില് 12 പ്രവൃത്തിദിവസങ്ങളിലായി വിറ്റത് 6.41 കോടി രൂപയുടെ മദ്യമാണെന്നാണ് ഓഗസ്റ്റ് 25 മുതല് സെപ്തംബര് ആറ് വരെയുള്ള ദിവസങ്ങളിലെ ഔട്ട്ലറ്റ് തിരിച്ചുള്ള കണക്കുകളിൽ പറയുന്നത്.
ചാലക്കുടി ഉള്പ്പെടെയുള്ള ഔട്ട്ലറ്റുകള് ഇത്തവണ വില്പനയില് താഴെയ്ക്ക് പോയി. കൊല്ലം ജില്ലയിലെ കരുനാഗപ്പള്ളിയാണ് പട്ടികയില് രണ്ടാമത്. 6.40 കോടി രൂപയാണ് കരുനാഗപ്പള്ളിയിലെ വില്പന.
എടപ്പാള് കുറ്റിപ്പാല (6.19), തിരുവനന്തപുരം പവര്ഹൗസ് (5.16), ചാലക്കുടി (5.10) എന്നിവയാണ് പട്ടികയിലെ ആദ്യ അഞ്ച് സ്ഥാനങ്ങളിലുള്ളത്. മൂന്ന് ഔട്ട്ലറ്റുകളിലെ വില്പന ആറ് കോടിക്ക് മുകളില് എത്തിയപ്പോള് മൂന്ന് ഔട്ട്ലറ്റുകളില് അഞ്ച് കോടിക്ക് മുകളിലായിരുന്നു വില്പന.
Discussion about this post