കല്പ്പറ്റ: സംസ്ഥാനത്ത് വീണ്ടും കാട്ടാന ആക്രമണം. 40കാരന് പരിക്ക് പറ്റി. വയനാട്ടിൽ ആണ് സംഭവം.
കാട്ടിക്കുളം സ്വദേശി മണ്ണുണ്ടി ഉന്നതിയില് ചിന്നനാണ് പരിക്കേറ്റത്.
വീട്ടുമുറ്റത്തുവെച്ചായിരുന്നു കാട്ടാനയുടെ ആക്രമണം ഉണ്ടായത്. പുലര്ച്ചെ രണ്ടു മണിയോടെയായിരുന്നു സംഭവം.ചിന്നന്റെ വാരിയെല്ലുകള്ക്ക് പൊട്ടലുണ്ട്. തോളെല്ലിനും സാരമായ പരിക്കേറ്റിട്ടുണ്ട്.
ശബ്ദം കേട്ട് വീട്ടുമുറ്റത്തിറങ്ങിയപ്പോഴാണ്, അപ്രതീക്ഷിതമായി കാട്ടാനയുടെ ആക്രമണം ഉണ്ടായത്. ആദ്യം മാനന്തവാടി ആശുപത്രിയിലെത്തിച്ച ചിന്നനെ, പിന്നീട് വിദഗ്ധ ചികിത്സയ്ക്കായി കോഴിക്കോട് മെഡിക്കല് കോളജിലേക്ക് മാറ്റി.
കഴിഞ്ഞ മൂന്നാഴ്ചയായി കാട്ടിക്കുളം, ചേലൂര് ഭാഗത്ത് കാട്ടാനയിറങ്ങുന്നതായി നാട്ടുകാര് പരാതിപ്പെട്ടിരുന്നു.
Discussion about this post