തിരുവനന്തപുരം: കുറഞ്ഞ വിലയിൽ സപ്ലൈകോയിൽ വെളിച്ചെണ്ണ വിതരണം ഇന്നുമുതൽ. സപ്ലൈകോയില് 349 രൂപ വിലയുണ്ടായിരുന്ന സബ്സിഡി വെളിച്ചെണ്ണ പത്തുരൂപ കുറച്ച് 339 രൂപയ്ക്ക് കൊടുക്കുമെന്ന് മന്ത്രി ജി ആര് അനില് അറിയിച്ചു.
നിത്യോപയോഗ സാധനങ്ങളുടെ വിലക്കയറ്റം പിടിച്ചുനിര്ത്താന് കഠിനമായ ഇടപെടലാണ് സര്ക്കാര് നടത്തുന്നതെന്നും 250 ലധികം ബ്രാന്ഡഡ് നിത്യോപയോഗ സാധനങ്ങള്ക്ക് വലിയ ഓഫറുകളും വിലക്കുറവും നല്കുന്നുണ്ടെന്നും മന്ത്രി പറഞ്ഞു.
സെപ്റ്റംബര് മാസത്തിലെ സബ്സിഡി സാധനങ്ങള് ഓണം പ്രമാണിച്ച് ഓഗസ്റ്റ് മാസത്തില് കാര്ഡ് ഉടമകള്ക്ക് വാങ്ങാന് കഴിയുമെന്നും ജൂലൈ മാസത്തില് 168 കോടി രൂപയുടെ വിറ്റു വരവാണ് സപ്ലൈകോയ്ക്ക് ഉണ്ടായത് എന്നും മന്ത്രി പറഞ്ഞു.
60 കോടി രൂപയുടെ സബ്സിഡി ഉല്പ്പന്നങ്ങളാണ് കഴിഞ്ഞമാസം സപ്ലൈകോ വഴി പൊതുജനങ്ങള്ക്ക് വിതരണം ചെയ്തത്. 32ലക്ഷത്തോളം ഉപഭോക്താക്കള് കഴിഞ്ഞ മാസം സപ്ലൈകോ വില്പനശാലകളെ ആശ്രയിച്ചതായും മന്ത്രി പറഞ്ഞു.
Discussion about this post