തിരുവനന്തപുരം: ആരോപണത്തിന് പിന്നാലെ യൂത്ത് കോണ്ഗ്രസ് സംസ്ഥാന അധ്യക്ഷ പദവി രാജിവച്ച രാഹുല് മാങ്കൂട്ടത്തില് പാലക്കാട് എം എല് എ സ്ഥാനവും രാജിവയ്ക്കണമെന്ന് ആവശ്യപ്പെട്ട് വിദ്യാഭ്യാസ മന്ത്രി വി ശിവന് കുട്ടി രംഗത്തെത്തി. രാഹുല്മാങ്കൂട്ടത്തില് എം എല് എ സ്ഥാനം രാജിവച്ചേ പറ്റു. എം എല് എ സ്ഥാനം രാജിവെക്കണമെന്നതാണ് മാന്യമായ സമീപനമെന്നും ശിവന്കുട്ടി അഭിപ്രായപ്പെട്ടു.
ഷാഫി പറമ്പിലിന്റെ സ്കൂളില് പഠിച്ചവരാണ് ഇവരൊക്കെ. വിഷയത്തില് പ്രതികരിക്കാതെ ഷാഫി ഒരക്ഷരം മിണ്ടാതെ പോയി. ഷാഫിയുടെ സ്കൂളില് പഠിച്ചതുകൊണ്ടാണ് ഷാഫി ഒന്നും മിണ്ടാത്തത്. ഷാഫിയാണ് ഹെഡ്മാസ്റ്റര്. ഹെഡ്മാസ്റ്ററെ സംശയിക്കേണ്ടതുണ്ടോയെന്നും ശിവന് കുട്ടി ചോദിച്ചു.
അഹങ്കാരത്തിനും ധിക്കാരത്തിനും കയ്യും കാലും വച്ച വ്യക്തിയാണ് രാഹുല് മാങ്കൂട്ടത്തിലെന്നും വിദ്യാഭ്യാസ മന്ത്രി അഭിപ്രായപ്പെട്ടു. എടാ പിണറായി എന്ന് പ്രസംഗിച്ച ആളാണ്. ഇത്ര ബഹുമാനമില്ലാത്ത പ്രയോഗം ഞങ്ങളാരും ഉപയോഗിച്ചിട്ടില്ല. തരംതാണ നിലയിലുള്ള പ്രസംഗമാണ് നിയമസഭയില് നടത്തിയതെന്നും ശിവന് കുട്ടി ചൂണ്ടിക്കാട്ടി.
Discussion about this post