തൃശൂര്: കൊടുങ്ങല്ലൂര് നഗരസഭയിലെ മികച്ച വനിത കര്ഷക അവാര്ഡ് ജേതാവായ ജെസ്ന പാമ്പുകടിയേറ്റ് മരിച്ചു. ജസ്നക്ക് പക്ഷേ അവാര്ഡ് സ്വീകരിക്കാനുള്ള ഭാഗ്യമുണ്ടായില്ല. അംഗീകാരത്തിനും അവാര്ഡിനും അനുമോദനങ്ങള്ക്കും കാത്തു നില്ക്കാതെയാണ് ജെസ്ന യാത്രയായത്.
അവാര്ഡ് ദാനത്തിന് ദിവസങ്ങള് മാത്രം ബാക്കി നില്ക്കെയാണ് ജെസ്നയുടെ വിയോഗം. അണലിയുടെ കടിയേറ്റാണ് ഇവര് മരിച്ചത്. ലോകമലേശ്വരം വെസ്റ്റ് കൊടുങ്ങല്ലൂര് പൊടിയന് ബസാറില് കൊല്ലിയില് നിയാസിന്റെ ഭാര്യയും വട്ടപറമ്പില് പരേതനായ അബുവിന്റെ മകളാണ് ജസ്ന.
വീടിന്റെ ചുറ്റുപാടും വിവിധ കൃഷികള് ചെയ്തിരുന്നു. കോഴികളെയും വളര്ത്തിയിരുന്നു. ഇത്തവണ മട്ടുപ്പാവില് ചെണ്ടുമല്ലിയും കൃഷി ചെയ്തിരുന്നു. ഏതാനും ദിവസം മുമ്പാണ് ഫീല്ഡ് പരിശോധനകള്ക്ക് ശേഷം കൃഷിഭവന് അധികൃതര് ജസ്നയെ മികച്ച വനിത കര്ഷകയായി തെരഞ്ഞെടുത്തത്. 17ന് അവാര്ഡ് സമ്മാനിക്കാനും തീരുമാനിച്ചു. വിവരം കൈമാറും മുമ്പേ അവര് പാമ്പുകടിയേറ്റ് ഗുരുതരാവസ്ഥയിലേക്ക് മാറിയിരുന്നു. എറണാകുളം ആസ്റ്റര് മെഡിസിറ്റിയില് ചികിത്സയിലിരിക്കെയായിരുന്നു മരണം.
Discussion about this post