തിരുവനന്തപുരം: സംസ്ഥാനത്ത് പൊട്ടിവീണ വൈദ്യുതി കമ്പിയില് നിന്ന് ഷോക്കേറ്റ് ഇന്നലെ മാത്രം മൂന്ന് മരണം. പാലക്കാട്, തിരുവനന്തപുരം, മലപ്പുറം ജില്ലകളിലാണ് വൈദ്യുതി കമ്പിയില് നിന്ന് ഷോക്കേറ്റ് മൂന്നുപേരും മരിച്ചത്.
പാലക്കാട് കൊടുമ്പില് ഓലശ്ശേരി സ്വദേശി മാരിമുത്തുവാണ് മഴയത്ത് പൊട്ടിവീണ വൈദ്യുതി കമ്പയില് നിന്ന് ഷോക്കേറ്റ് മരിച്ചത്. തെങ്ങും തോട്ടത്തിലെ മോട്ടോര് പുരയിലേക്ക് നല്കിയ വൈദ്യുതിയുടെ ലൈനാണ് പൊട്ടിവീണത്.
തിരുവനന്തപുരം ആറ്റിങ്ങലില് വീടിന് മുന്നില് വൃദ്ധയെ ഷോക്കേറ്റ് മരിച്ച നിലയില് കണ്ടെത്തി. പൂവന്പാറ സ്വദേശി ലീലാമണിയാണ് മരിച്ചത്. ഇലക്ട്രിക് പോസ്റ്റില് നിന്നും വീട്ടിലേക്ക് കണക്ഷന് കൊടുത്തിരുന്ന ലൈനില് നിന്നാണ് ഷോക്കേറ്റത്.
മലപ്പുറം വേങ്ങരയില് പൊട്ടിവീണ വൈദ്യുതി ലൈനില് നിന്ന് ഷോക്കേറ്റ് ഇന്നലെ പതിനെട്ടുകാരന് മരിച്ചു. കണ്ണമംഗലം അച്ചനന്പലം സ്വദേശി പുള്ളാട്ട് അബ്ദുല് വദൂദ് ആണ് മരിച്ചത്. വേങ്ങര വെട്ടുതോട് തോട്ടില് കുളിക്കാന് ഇറങ്ങിയപ്പോഴാണ് വൈദ്യുതാഘാതം ഏറ്റത്. മൃതദേഹം തിരൂരങ്ങാടി താലൂക്ക് ആശുപത്രി മോര്ച്ചറിയിലേക്ക് മാറ്റി.
Discussion about this post