കോഴിക്കോട്: റെയില് പാളം മുറിച്ചു കടക്കുന്നതിനിടെ ട്രെയിനിടിച്ച് വിദ്യാര്ഥിനിക്ക് ദാരുണാന്ത്യം. കോഴിക്കോട് ജില്ലയിലെ കടലുണ്ടി റെയില്വെ സ്റ്റേഷനില് ആണ് സംഭവം. വള്ളിക്കുന്ന് നോര്ത്ത് ഒഴുകില് തട്ടയൂര് ഇല്ലത്ത് ‘ശ്രേയസ്സ്’ വീട്ടില് രാജേഷിന്റെ മകള് സൂര്യാ രാജേഷ് ആണ് മരിച്ചത്.
21 വയസ്സായിരുന്നു. പാലക്കാട് വാവന്നൂര് ശ്രീപതി ഇന്സ്റ്റിറ്റ്യൂട്ട് ഓഫ് മാനേജ്മെന്റ് ആന്ഡ് ടെക്നോളജിയിലെ ബിടെക് വിദ്യാര്ഥിനിയാണ് മരിച്ച സൂര്യ.
ശനിയാഴ്ച വൈകീട്ടായിരുന്നു അപകടം. റെയില്പ്പാളം മുറിച്ചുകടക്കുന്നതിനിടെ സമീപത്തെ ട്രാക്കിലൂടെയെത്തിയ മറ്റൊരു ട്രെയിന് ഇടിച്ചാണ് അപകടം ഉണ്ടായത്.
കോളജില് നിന്നും വീട്ടിലേക്കുള്ള യാത്രയ്ക്കിടെ കടലുണ്ടി റെയില്വേ സ്റ്റേഷനിലിറങ്ങി പാളം മുറിച്ചുകടക്കുന്നതിനിടെ രണ്ടാമത്തെ ട്രാക്കിലൂടെ എത്തിയ ചെന്നൈ എക്സ്പ്രസ് സൂര്യയെ ഇടിക്കുകയായിരുന്നു.
അമ്മ: എന്. പ്രതിഭ (അധ്യാപിക, മണ്ണൂര് സിഎംഎച്ച് ഹയര് സെക്കന്ഡറി സ്കൂള്). സഹോദരന്: ആദിത്യാ രാജേഷ് (പ്ലസ് വണ് വിദ്യാര്ഥി, രാമനാട്ടുകര സേവാമന്ദിരം പോസ്റ്റ് ബേസിക് ഹയര് സെക്കന്ഡറി സ്കൂള്).
Discussion about this post