ആലപ്പുഴ: വാഹനാപകടത്തിൽ യുവാവിന് ദാരുണാന്ത്യം. ആലപ്പുഴ ജില്ലയിലെ വെള്ളക്കിണറിൽ ആണ് സംഭവം. പി.എച്ച് വാർഡിൽ താമസിക്കുന്ന വാഹിദ് ആണ് മരിച്ചത്‌.
43 വയസ്സായിരുന്നു. അപകടത്തിൽ വാഹിദിൻ്റെ ഭാര്യക്ക് ഗുരുതരമായി പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്. ബൈ ക്കിൽ പോകുകയായിരുന്ന ദമ്പതികളെ ഇതുവഴി വന്ന കാർ ഇടിച്ചു തെറിപ്പിക്കുകയായിരുന്നു എന്ന് ദൃക്സാക്ഷികൾ പറയുന്നു.
ഇന്നലെ രാത്രി 11.45 നായിരുന്നു അപകടം. വെള്ളക്കിണർ ജംഗ്ഷനിൽ തട്ടുകട നടത്തി തിരികെ ബൈക്കിൽ പോകുമ്പോഴായിരുന്നു അപകടം സംഭവിച്ചത്. അപകടത്തിൽ കാറിലുള്ളവർക്കും പരിക്കേറ്റിട്ടുണ്ട്.
Discussion about this post