കോട്ടയം: കോട്ടയം മെഡിക്കൽ കോളജിലെ കെട്ടിടം തകർന്നുവീണ സംഭവത്തിൽ പ്രതികരിച്ച് ആരോഗ്യമന്ത്രി വീണാ ജോര്ജ്. പ്രവര്ത്തനരഹിതമായ കെട്ടിടമാണ് തകര്ന്നതെന്ന് മന്ത്രി പറഞ്ഞു.
അപകടത്തില് രണ്ടുപേര്ക്ക് ചെറിയ പരിക്കേറ്റതായാണ് പ്രാഥമിക വിവരം. അടച്ചിട്ട കെട്ടിടത്തിന്റെ ശുചിമുറിയുടെ ഭാഗമാണ് ഇടിഞ്ഞുവീണതെന്നും വാര്ഡ് പുതിയ കെട്ടിടത്തിലേക്ക് മാറ്റാന് തീരുമാനിച്ചിരുന്നുവെന്നും മന്ത്രി കൂട്ടിച്ചേർത്തു.
കിഫ്ബിയില്നിന്ന് പണം അനുവദിച്ച് പുതിയ കെട്ടിടത്തിന്റെ നിര്മാണം പൂര്ത്തിയായിരുന്നു. പുതിയ കെട്ടിടത്തിലേക്കു മാറാനുള്ള നടപടികള് സ്വീകരിച്ചുവരികയായിരുന്നു. ഷിഫ്റ്റിങ്ങ് സംബന്ധിച്ച തീരുമാനം രണ്ടാഴ്ച മുമ്പാണ് എടുത്തതെന്നും മന്ത്രി വീണ അറിയിച്ചു.