തിരുവനന്തപുരം: സംസ്ഥാനത്ത് കനത്ത മഴ തുടരുകയാണ്. ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
കേരള തീരത്ത് നാളെ (ചൊവ്വാഴ്ച) രാത്രി 8.30 വരെ 3.4 മുതല് 4.2 മീറ്റര് വരെ ഉയര്ന്ന തിരമാലയ്ക്കും ( High waves ) കടലാക്രമണത്തിനും സാധ്യതയുണ്ടെന്നാണ് സമുദ്രസ്ഥിതിപഠന ഗവേഷണ കേന്ദ്രം അറിയിച്ചത്.
ഇതിന്റെ അടിസ്ഥാനത്തില് വിവിധ പ്രദേശങ്ങളില് റെഡ് അലര്ട്ട് ( Red Alert ) പ്രഖ്യാപിച്ചിട്ടുണ്ട്.റെഡ് അലര്ട്ട് പുറപ്പെടുവിച്ചിട്ടുള്ളയിടങ്ങൾ,
തിരുവനന്തപുരം- കാപ്പില് മുതല് പൊഴിയൂര് വരെ
കൊല്ലം- ആലപ്പാട് മുതല് ഇടവ വരെ
ആലപ്പുഴ- ചെല്ലാനം മുതല് അഴീക്കല് ജെട്ടി വരെ
എറണാകുളം- മുനമ്പം മുതല് മറുവക്കാട് വരെ
തൃശൂര്- ആറ്റുപുറം മുതല് കൊടുങ്ങല്ലൂര് വരെ
മലപ്പുറം- കടലുണ്ടി നഗരം മുതല് പാലപ്പെട്ടി വരെ
കോഴിക്കോട്- ചോമ്പാല മുതല് രാമനാട്ടുകര വരെ
കണ്ണൂര്- വളപട്ടണം മുതല് ന്യൂമാഹി വരെ
കാസര്കോട്- കുഞ്ചത്തൂര് മുതല് കോട്ടക്കുന്ന് വരെ
കന്യാകുമാരി ജില്ലയിലെ നീരോടി മുതല് ആരോക്യപുരം വരെയുള്ള തീരങ്ങളിലും റെഡ് അലര്ട്ട് പുറപ്പെടുവിച്ചിട്ടുണ്ട്. മത്സ്യത്തൊഴിലാളികളും തീരദേശവാസികളും അതീവ ജാഗ്രത പാലിക്കുക.
Discussion about this post