ഹൈദരാബാദ്: മലപ്പുറം കൂരിയാട് എലിവേറ്റഡ് പാത തകർന്നതിൻ്റെ ഉത്തരവാദിത്തം ഏറ്റെടുക്കുന്നുവെന്ന് കരാറുകാരായ കെഎന്ആര് കണ്സ്ട്രക്ഷന്സ്. റോഡ് തകരാൻ ഇടയായത് മണ്ണിന്റെ കുഴപ്പം മൂലമെന്ന് കെഎന്ആര് കണ്സ്ട്രക്ഷന്സ് കമ്പനി എക്സിക്യൂട്ടീവ് ഡയറക്ടര് ജലന്ധര് റെഡ്ഡി പറഞ്ഞു.
അവിടെ ആവശ്യമെങ്കിൽ പാലം നിര്മ്മിക്കാന് പോലും കമ്പനി തയ്യാറാണെന്നും അധികൃതരുടെ നിര്ദേശങ്ങള് കമ്പനി കര്ശനമായി പാലിക്കുമെന്നും അദ്ദേഹം പറഞ്ഞു.
പ്രദേശത്തെ ഭൂഗര്ഭ സാഹചര്യങ്ങളും ഉയര്ന്ന ജലവിതാനവും തകര്ച്ചയ്ക്ക് ഘടകമായിട്ടുണ്ട്. വാഹനങ്ങള്ക്ക് സഞ്ചരിക്കാനുള്ള അണ്ടര്പാസ് അപ്രോച്ച് റാമ്പുകളിലൊന്ന് ഇടിഞ്ഞുവീണുവെന്നും ഇതോടെ സര്വീസ് റോഡും താറുമാറായി എന്നും അദ്ദേഹം പറഞ്ഞു.
നിലവിൽ പ്രധാനപാതയുടെ ഇരുവശത്തുമുള്ള സര്വീസ് റോഡ് എത്രയും വേഗം പുനഃസ്ഥാപിക്കുന്നതിനുള്ള എല്ലാ ശ്രമങ്ങളും നടത്തിവരികയാണ് എന്നും ജലന്ധര് റെഡ്ഡി വ്യക്തമാക്കി.
Discussion about this post