തിരുവനന്തപുരം: സിപിഎം കണ്ണൂര് ജില്ലാ സെക്രട്ടറിയായി കെ കെ രാഗേഷിനെ തെരഞ്ഞെടുത്തതിനെ അഭിനന്ദിച്ച് കഴിഞ്ഞ ദിവസം ദിവ്യ എസ് അയ്യർ രംഗത്തെത്തിയിരുന്നു.
ഇപ്പോഴിതാ ഇതിൽ പ്രതികരിച്ച് രംഗത്തെത്തിയിരിക്കുകയാണ്. ഭര്ത്താവും കോണ്ഗ്രസ് നേതാവുമായ കെ എസ് ശബരീനാഥന്. ദിവ്യയ്ക്ക്
വീഴ്ചയുണ്ടായെന്ന് ശബരീനാഥന് പറഞ്ഞു.
സര്ക്കാരിന് വേണ്ടി രാപകല് അധ്വാനം ചെയ്യുന്ന വ്യക്തിയാണ് ദിവ്യ. രാഷ്ട്രീയ നിയമനം ലഭിച്ച വ്യക്തിയെ അഭിനന്ദിച്ചത് സദുദ്ദേശത്തോടെയാണെങ്കിലും അതിലൊരു വീഴ്ചയുണ്ടെന്ന് ശബരിനാഥൻ പറഞ്ഞു.
സര്ക്കാര് പദ്ധതികള്ക്കൊപ്പം നില്ക്കുക എന്നത് ഉദ്യോഗസ്ഥ ധര്മ്മമാണ്. സര്ക്കാര് ഉദ്യോഗസ്ഥ എന്ന നിലയില് സര്ക്കാരിനെയും സര്ക്കാര് നയങ്ങളെയും അഭിനന്ദിക്കുന്നതില് തെറ്റില്ലെന്നും എന്നാല് രാഷ്ട്രീയ നിയമനം ലഭിച്ച വ്യക്തിയെ അഭിനന്ദിച്ചത് അതുപോലെയല്ലെന്നും ശബരിനാഥൻ പറഞ്ഞു.
കെ കെ രാഗേഷിന്റേത് രാഷ്ട്രീയ നിയമനമാണ്. രാഷ്ട്രീയ നിയമനം ലഭിച്ചയാളെ പുകഴ്ത്തുന്നത് ഒഴിവാക്കാമായിരുന്നു. ഈ വിഷയത്തെ കുറച്ചുകൂടി അവധാനതയോടെ കൂടി കാണണമായിരുന്നുവെന്ന് ശബരിനാഥൻ വ്യക്തമാക്കി.
Discussion about this post