തിരുവനന്തപുരം:ടിപ്പറിന് പിന്നിൽ ബൈക്ക് ഇടിച്ചുണ്ടായ അപകടത്തിൽ യുവാവിന് ദാരുണാന്ത്യം. തിരുവനന്തപുരം ജില്ലയിലെ വര്‍ക്കല ചെറുന്നിയൂരിൽ ആണ് സംഭവം.
ബൈക്ക് യാത്രക്കാരനായ അയിരൂർ സ്വദേശി അഭിനവ് ആണ് മരിച്ചത്. 26 വയസ്സായിരുന്നു. അപകടത്തിൽ ബൈക്കിൽ ഒപ്പമുണ്ടായിരുന്ന വർക്കല കോട്ടുമൂല സ്വദേശി ഹസ്സന് ഗുരുതരമായി പരിക്കേറ്റു.
ഇയാളെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. ബൈക്ക് അമിത വേഗത്തിലായിരുന്നുവെന്ന് ദൃക്സാക്ഷികള്‍ പറയുന്നു. തൃശൂർ റെയിൽവേ പൊലീസ് ഉദ്യോഗസ്ഥനായ പ്രദീപിന്‍റെ മകനാണ് മരിച്ച അഭിനവ്.
Discussion about this post