കാസര്കോട് : ഇനി മുതല് കാസര്കോട് ജില്ലയിലെ പിലിക്കോട് ശ്രീ രയരമംഗലം ഭഗവതി ക്ഷേത്ര നാലമ്പലത്തില് എല്ലാ ജാതിക്കാര്ക്കും പ്രവേശം. ഇവിടെ ജാത്യാചാരത്തിന്റെ പേരിലുള്ള വിവേചനം അവസാനിപ്പിച്ചിരിക്കുകയാണ്.
ക്ഷേത്ര നാലമ്പല ത്തിൽ ഞായറാഴ്ച വൈകീട്ട് എല്ലാ ജാതി വിഭാഗത്തില്പ്പെട്ടവരും പ്രവേശിച്ചു. പിലിക്കോട് നിനവ് പുരുഷ സഹായ സംഘം അടുത്തിടെ നാലമ്പല പ്രവേശനത്തിനായി പ്രത്യേകം പ്രമേയം അവതരിപ്പിച്ചിരുന്നു.
തുടര്ന്നു ദേവസ്വം മന്ത്രിക്കും മലബാര് ദേവസ്വം ബോര്ഡിനും ക്ഷേത്രം ട്രസ്റ്റിനും തന്ത്രിക്കും കത്ത് നല്കിയിരുന്നു. ഞായറാഴ്ച ജനകീയ സമിതിയുടെ നേതൃത്വത്തില് 16 പേരടങ്ങളുന്ന പുരുഷ സംഘം നാലമ്പല പ്രവേശനത്തില് പ്രവേശിക്കുകയായിരുന്നു.
ഈ ക്ഷേത്രത്തില് നമ്പൂതിരി, വാര്യര്, മാരാര് തുടങ്ങിയ ഉന്നത കുല ജാതിക്കാര്ക്ക് മാത്രമായിരുന്നു പ്രവേശനവുണ്ടായിരുന്നത്. ഉത്സവകാലത്ത് നായര്, മണിയാണി വിഭാഗക്കാര്ക്കും പ്രവേശനമുണ്ടായിരുന്നു. എന്നാല് മറ്റു ജാതിക്കാര്ക്കൊന്നും ക്ഷേത്ര പ്രവേശനമുണ്ടായിരുന്നില്ല.
Discussion about this post