പാലക്കാട്: കാട്ടാനയുടെ ആക്രമണത്തില് യുവാവ് മരിച്ചു. പാലക്കാട് മുണ്ടൂരിലാണ് സംഭവം. അമ്മയ്ക്ക് ഗുരുതര പരിക്കേറ്റു. മുണ്ടൂര് കയറംകോട് കണ്ണാടംചോല അത്താണിപ്പറമ്പ് കുളത്തിങ്കല് ജോസഫിന്റെ (വിനു) മകന് അലൻ ആണ് കാട്ടാനയുടെ ചവിട്ടേറ്റ് മരിച്ചത്.
24 വയസ്സായിരുന്നു. ഒപ്പമുണ്ടായിരുന്ന അമ്മ വിജയക്കാണ് പരിക്കേറ്റത്. രാത്രി എട്ടോടെ കണ്ണാടന്ചോലയക്ക് സമീപത്ത് വെച്ചായിരുന്നു ആക്രമണം.
കടയില് പോയി അമ്മയും മകനും വീട്ടിലേക്ക് തിരിച്ചു പോകവെയാണ് കാട്ടാന ആക്രമിച്ചത്. കാട്ടാന പിന്നിലൂടെയെത്തി ആക്രമിക്കുകയായിരുന്നു. അലന്റെ നെഞ്ചിലാണ് കുത്തേറ്റത്. സംഭവ സ്ഥലത്ത് വെച്ച് തന്നെ അലൻ മരിച്ചു.
Discussion about this post