കോഴിക്കോട്: അരയിടത്ത് പാലത്ത് സ്വകാര്യ ബസ് നിയന്ത്രണം വിട്ട് മറിഞ്ഞ് അപകടം. സ്കൂള് കുട്ടികളടക്കം 50 ലധികം പേരാണ് അപകട ബസിലുണ്ടായിരുന്നത്. 50ലേറെ പേര്ക്കും അപകടത്തില് പരിക്കേറ്റിട്ടുണ്ട്. പരുക്കേറ്റ 42 പേരെ ബേബി മെമ്മോറിയല് ആശുപത്രിയില് പ്രവേശിപ്പിച്ചു. 11 പേര് കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലുണ്ട്. പുതിയ ബസ് സ്റ്റാന്ഡിന് സമീപത്ത് വൈകിട്ട് 4.15 ഓടെയാണ് സംഭവം.
മെഡിക്കല് കോളേജ് റൂട്ടില് ഓടുന്ന കെഎല് 12 സി 6676 ബസാണ് മറിഞ്ഞത്. അമിത വേഗതയിലെത്തിയ ബസ് അരയിടത്തുപാലം അവസാനിക്കുന്ന ഭാഗത്ത് വച്ച് നിയന്ത്രണം വിട്ട് മറിഞ്ഞെന്നാണ് വിവരം. പോലീസും ഫയര് ഫോഴ്സും സ്ഥലത്ത് രക്ഷാപ്രവര്ത്തനം നടത്തി.
Discussion about this post