തൊടുപുഴ: കഞ്ചാവ് കൈവശം കടത്തിക്കൊണ്ടു വന്ന കേസില്‍ പ്രതികള്‍ക്ക് കഠിന തടവും പിഴയും ശിക്ഷ. ആനവിലാസം ചപ്പാത്ത് പൂക്കുളം പുത്തന്‍പറമ്പില്‍ വീട്ടില്‍ മനുക്കുട്ടന്‍ എന്ന് വിളിക്കുന്ന മനുമോന്‍ (32), ഈരിക്കല്‍ പടിഞ്ഞാറേല്‍ വീട്ടില്‍ വിഷ്ണു (32) എന്നിവരെയാണ് തൊടുപുഴ എന്‍.ഡി.പി.എസ് സ്പെഷ്യല്‍ കോടതി ജഡ്ജ് ഹരികുമാര്‍ കെ.എന്‍ ശിക്ഷിച്ചത്.
2018 ഡിസംബര്‍ 31 ന് പീരുമേട് താലൂക്കില്‍ മഞ്ചുമല വില്ലേജ് ഓഫീസിന് സമീപത്തെ റോഡരികില്‍ നിന്നാണ് പ്രതികളുടെ പക്കല്‍ നിന്നും 1.150 കി.ഗ്രാം കഞ്ചാവ് പിടികൂടിയത്. നാല് വര്‍ഷം കഠിന തടവിനും 50,000 രൂപ പിഴ അടക്കുന്നതിനും പിഴ അടച്ചില്ലെങ്കില്‍ ഒരു വര്‍ഷം കൂടി കഠിന തടവിനുമാണ് ശിക്ഷ വിധിച്ചത്.
Discussion about this post