പത്തനംതിട്ട: ഓടുന്ന കാറില്‍ അഭ്യാസ പ്രകടനം നടത്തിയതിന് ആഡംബര കാര്‍ പിടിച്ചെടുത്ത് മോട്ടോര്‍ വാഹന വകുപ്പ്. 1 കോടിയിലേറെ വില മതിയ്ക്കുന്ന വോള്‍വോ എക്‌സ് സി 90 ആണ് എം വി ഡി പിടിച്ചെടുത്തത്.
വള്ളക്കടവ് കുമ്പനാട് റോട്ടില്‍ ഡോറിലൂടെ പുറത്തേക്കിരുന്ന് ഒരാള്‍ ഫോണിലൂടെ സംസാരിക്കുന്നത് ദൃശ്യങ്ങളില്‍ കാണാനാകും. രാവിലെ റോഡില്‍ നല്ല തിരക്കുള്ള സമയത്താണ് സംഭവം. യാത്രികരില്‍ ഒരാളാണ് വീഡിയോ ചിത്രീകരിച്ച് മോട്ടോര്‍ വാഹന വകുപ്പിന് അയച്ചത്.
വളരെ വേഗത്തില്‍ തിരുവല്ല വാഹന വകുപ്പിന്റെ എന്‍ഫോഴ്‌സ്‌മെന്റ് വിഭാഗം വാഹനം കസ്റ്റഡിയില്‍ എടുക്കുകയായിരുന്നു. സംഭവത്തില്‍ കേസെടുത്തിട്ടുണ്ട്. പിഴയും ഈടാക്കും.
Discussion about this post