മലപ്പുറം: എടപ്പാളിന് സമീപം കെഎസ്ആര്ടിസി ബസ്സും ടൂറിസ്റ്റ് ബസ്സും കൂട്ടിയിടിച്ചുണ്ടായ അപകടത്തില് നിരവധി പേര്ക്ക് പരിക്കേറ്റു. അപകടത്തില് രണ്ടു ബസുകളിലുമായുള്ള 30ലധികം യാത്രക്കാര്ക്കാണ് പരിക്കേറ്റത്.
ഇതില് മൂന്നുപേരുടെ നില ഗുരുതരമാണ്. ഇന്ന് പുലര്ച്ചെ 2.50-ന് ആണ് അപകടമുണ്ടായത്. ബസുകളുടെ മുന്ഭാഗം പൂര്ണമായും തകര്ന്നു. അപകടത്തിന്റെ കാരണം ഉള്പ്പെടെ വ്യക്തമല്ല. സംഭവത്തെക്കുറിച്ച് കൂടുതല് അന്വേഷിച്ചുവരുകയാണെന്ന് പോലീസ് അറിയിച്ചു. പരിക്കേറ്റവരെ ആശുപത്രികളിലേക്ക് മാറ്റി.
ഗുരുതരമായി പരിക്കേറ്റവരില് ഒരാളെ കോട്ടക്കലിലെ സ്വകാര്യ ആശുപത്രിയിലും രണ്ടു പേരെ തൃശൂര് മെഡിക്കല് കോളേജിലേക്കും മാറ്റിയിട്ടുണ്ട്. തൃശൂര്-മലപ്പുറം സംസ്ഥാന പാതയിലാണ് അപകടമുണ്ടായത്.
തൃശൂരില് നിന്ന് മാനന്തവാടിയിലേക്ക് പോവുകയായിരുന്ന കെഎസ്ആര്ടിസി ബസും കാസര്കോട് നിന്ന് എറണാകുളത്തേക്ക് പോവുകയായിരുന്ന ടൂറിസ്റ്റ് ബസും ആണ് കൂട്ടിയിടിച്ചത്. അപകടം നടന്ന ഉടന് തന്നെ നാട്ടുകാര് പരിക്കേറ്റവരെ എടപ്പാളിലെ ആശുപത്രിയിലെത്തിക്കുകയായിരുന്നു.
Discussion about this post