തിരുവനന്തപുരം: പാറശ്ശാല ഷാരോണ് വധക്കേസില് ശിക്ഷ വിധി ഇന്ന്. പ്രതിയായ ഗ്രീഷ്മയ്ക്കെതിരെ ചുമത്തിയ കൊലപാതകം, വിഷം നല്കല്, തട്ടിക്കൊണ്ടുപോകല്, പൊലീസിനെ തെറ്റിദ്ധരിപ്പിക്കല് തുടങ്ങിയ കുറ്റങ്ങള് തെളിഞ്ഞതായി കോടതി കണ്ടെത്തിയിരുന്നു.
കേസിലെ തെളിവു നശിപ്പിക്കാന് സഹായിച്ച ഗ്രീഷ്മയുടെ അമ്മാവന് നിര്മല് കുമാര് നായരും കുറ്റക്കാരനാണെന്ന് കോടതി കണ്ടെത്തി. അതേസമയം, ഗൂഢാലോചന കേസില് പ്രതിയായ ഗ്രീഷ്മയുടെ അമ്മ സിന്ധുവിനെ വെറുതെ വിട്ടു.
തെളിവുകളുടെ അഭാവത്തിലാണ് രണ്ടാം പ്രതി സിന്ധുവിനെ വെറുതെ വിട്ടത്. നെയ്യാറ്റിന്കര സെഷന്സ് കോടതിയാണ് ഗ്രീഷ്മ കുറ്റവാളിയെന്ന് വിധി പറഞ്ഞത്.
ഷാരോണിനെ ഒഴിവാക്കി മറ്റൊരു വിവാഹം കഴിക്കാന് വേണ്ടി കാമുകിയായിരുന്ന ഗ്രീഷ്മ കഷായത്തില് വിഷം കലര്ത്തി ഷാരോണിനെ കൊലപ്പെടുത്തിയെന്നാണ് കേസ്.
Discussion about this post