കാസര്കോട്: കാസര്കോട് പിക്കാസുകൊണ്ട് പിതാവിനെ തലക്കടിച്ച് കൊന്ന കേസിലെ പ്രതിയായ മകന് തൂങ്ങിമരിച്ച നിലയില്. പള്ളിക്കര സ്വദേശി പ്രമോദാണ് മരിച്ചത്.
പിതാവ് അപ്പകുഞ്ഞിയെ കൊന്ന കേസില് വിചാരണ നടന്നുകൊണ്ടിരിക്കെയാണ് പ്രമോദിനെ മരിച്ച നിലയില് കണ്ടെത്തിയത്. കൊലപാതകക്കേസില് പ്രമോദ് ജയിലിലായിരുന്നു.
മാസങ്ങള്ക്ക് മുമ്പാണ് ഇയാള് ജാമ്യത്തില് ഇറങ്ങിയത്. തുടര്ന്ന് മുന് ഭാര്യയുടെ വീട്ടിലെത്തി ജീവനൊടുക്കുകയായിരുന്നു. ഉദുമ നാലാംവാതുക്കലിലുള്ള മുന് ഭാര്യാ വീട്ടിലെ കിണറിലെ കപ്പിക്കയറിലാണ് പ്രമോദിനെ തൂങ്ങി മരിച്ച നിലയില് കണ്ടെത്തിയത്.
പ്രവാസിയായിരുന്ന മകന്റെ നിരന്തര ആക്രമണത്തെ കുറിച്ച് പിതാവ് അപ്പക്കുഞ്ഞി പൊലീസില് പരാതി നല്കിയിരുന്നു. ഇതിലുള്ള വിരോധം മൂലമായിരുന്നു പ്രമോദ് അപ്പക്കുഞ്ഞിയെ കൊലപ്പെടുത്തിയത്്.
2024 ഏപ്രീല് ഒന്നിന് പള്ളിക്കര സെന്റ് മേരീസ് സ്കൂളിന് സമീപം താമസിക്കുന്ന പിതാവിനെ ഇയാള് തലക്കടിച്ച് കൊല്ലുകയായിരുന്നു. കേസില് കഴിഞ്ഞ ഒക്ടോബറിലാണ് ജാമ്യത്തില് ഇറങ്ങിയത്. കേസ് ഈ മാസം 13 ന് വീണ്ടും പരിഗണിക്കാന് ഇരിക്കെയാണ് പ്രമോദിന്റെ മരണം.
Discussion about this post