കോഴിക്കോട്: യുവാവിനെ വീടിനകത്ത് തൂങ്ങി മരിച്ച നിലയില് കണ്ടെത്തി. കോഴിക്കോട് ജില്ലയിലെ താമരശ്ശേരിയിലാണ് സംഭവം. അമ്പായത്തോട് മിച്ചഭൂമി മൂന്നാം പ്ലോട്ടില് താമസിക്കുന്ന സബീഷ് കുമാര് ആണ് മരിച്ചത്.
മുപ്പത്തിയൊന്ന് വയസ്സായിരുന്നു. ഇന്ന് ഉച്ചയോടെയാണ് യുവാവിനെ മരിച്ച നിലയില് കണ്ടെത്തിയത്. സംഭവസമയത്ത് വീട്ടില് മറ്റാരും ഉണ്ടായിരുന്നില്ല. ഭാര്യയും കുട്ടികളും ബന്ധുവീട്ടില് പോയ സമയത്താണ് യുവാവ് ജീവനൊടുക്കിയത്.
സബീഷ് കുമാര് അമ്പായത്തോട് പ്രവര്ത്തിക്കുന്ന അറവുമാലിന്യ സംസ്കരണ ഫാക്ടറിയിലെ ജീവനക്കാരനാണ്. മരണകാരണം വ്യക്തമായിട്ടില്ല. മൃതദേഹം മെഡിക്കല് കോളേജ് ആശുപത്രി മോര്ച്ചറിയിലേക്ക് മാറ്റി. പോസ്റ്റുമോര്ട്ടത്തിന് ശേഷം കുടുംബത്തിന് വിട്ടുനല്കും.
Discussion about this post