തൊടുപുഴ: പുതുവത്സരാഘോഷത്തിനിടെ കാല്വഴുതി കൊക്കയില് വീണ് യുവാവിന് ദാരുണാന്ത്യം. ഇടുക്കി ജില്ലയിലെ വാഗമണ്ണിലാണ് സംഭവം. കരിങ്കുന്നം മേക്കാട്ടില് പരേതനായ മാത്യുവിന്റെ മകന് എബിന് ആണ് മരിച്ചത്.
ഇരുപത്തിയാറ് വയസ്സായിരുന്നു. പുതുവത്സരാഘോഷത്തിനിടെ പടക്കം പൊട്ടിക്കുന്നതിനിടെയായിരുന്നു എബിന് അബദ്ധത്തില് കൊക്കയില് വീണത്.
കഴിഞ്ഞ ദിവസം രാത്രി കാഞ്ഞാര് – വാഗമണ് റോഡില് പുത്തേടിനും കുമ്പങ്കാനത്തിനുമിടയില് ചാത്തന്പാറയിലായിരുന്നു അപകടം.പുതുവര്ഷം ആഘോഷിക്കാനായി വാഗമണ്ണിലേക്ക് പുറപ്പെട്ട സംഘം യാത്രക്കിടെ വ്യൂ പോയിന്റിലെത്തിയിരുന്നു.
ഇവിടെ വെച്ച് പടക്കം പൊട്ടിച്ച് ആഘോഷിക്കുകയായിരുന്നു. ഇതിനിടെ എബിന് കാല്വഴുതി കൊക്കയിലേക്ക് വീഴുകയായിരുന്നു.
Discussion about this post