കൊച്ചി: കൊച്ചിയില് പുതുവത്സരാഘോഷം പ്രമാണിച്ച് കര്ശന സുരക്ഷ. ഇതേതുടര്ന്ന് കൊച്ചിയില് വിപുലമായ പോലീസ് സന്നാഹം ഏര്പ്പെടുത്തുമെന്നും 1000 പോലീസുകാര് ഫോര്ട്ട് കൊച്ചി മേഖലയില് മാത്രം വിന്യസിക്കുമെന്നും കൊച്ചി സിറ്റി പോലീസ് കമ്മീഷണര് പുട്ട വിമലാദിത്യ അറിയിച്ചു.
പുതുവര്ഷത്തലേന്ന് കൊച്ചിയിലെത്തുന്നവര്ക്ക് പാര്ക്കിങ്ങിനു ക്രമീകരണങ്ങള് ഏര്പ്പെടുത്തിയിട്ടുണ്ട്. ഫോര്ട്ട് കൊച്ചിയിലേക്ക് നേരിട്ട് ബസ് സര്വീസ് വൈകിട്ട് നാലു മണി വരെ ഏര്പ്പെടുത്തും. മദ്യവും മയക്കുമരുന്നും ഉപയോഗിക്കുന്നവരെ കണ്ടെത്താന് സ്ക്വാഡ് രൂപീകരിക്കും.
പപ്പാഞ്ഞിയെ കത്തിക്കുന്ന വെളിഗ്രൗണ്ടില് പോലീസ് കണ്ട്രോള് റൂം ഉണ്ടായിരിക്കുമെന്നും കോസ്റ്റല് പോലീസും നിരീക്ഷണത്തിനുണ്ടാകുമെന്നും കമ്മീഷണര് പറഞ്ഞു.
പുതുവര്ഷ ആഘോഷങ്ങള്ക്കു ശേഷം തിരിച്ചു പോകുന്നവര്ക്കായി ഗതാഗത സംവിധാനം ഒരുക്കാന് ശ്രമിക്കുന്നുണ്ട്. കൊച്ചി മെട്രോ സര്വ്വീസ് പുലര്ച്ചെ രണ്ടു മണി വരെ ഉണ്ടാകും. വാട്ടര് മെട്രോ ഫോര്ട്ടു കൊച്ചിയിലേക്കും ഹൈക്കോടതി ജെട്ടിയിലേക്കും അധിക സര്വ്വീസ് നടത്തും. കെഎസ്ആര്ടിസി സ്വകാര്യ ബസുകളും അധിക സര്വ്വീസ് നടത്തുമെന്നും കമ്മീഷണര് അറിയിച്ചു.
Discussion about this post