എറണാകുളം: ആലുവ മൂന്നാര് റോഡില് ഓടിക്കൊണ്ടിരുന്ന കാറിന് തീപിടിച്ചു. ഇരിങ്ങോള് വൈദ്യശാലപ്പടി പെട്രോള് പമ്പിന് സമീപത്താണ് അപകടമുണ്ടായത്. ഇന്ന് രാവിലെ 9 മണിയോടെയായിരുന്നു സംഭവം. കുറുപ്പുംപടി മുടിക്കരായി സ്വദേശി ജോര്ജിന്റെ അംബാസിഡര് കാറിനാണ് തീപിടിച്ചത്.
കാറില് നിന്ന് പുക ഉയരുന്നത് കണ്ട യാത്രക്കാര് പുറത്തേക്കിറങ്ങി ഓടി. ആളി പടര്ന്ന തീ അണച്ചപ്പോഴേയ്ക്കും കാര് ഭാഗികമായി കത്തി നശിച്ചിരുന്നു. ഫയര്ഫോഴ്സ് സ്ഥലത്തെത്തിയാണ് കാറിലെ തീ നിയന്ത്രണ വിധേയമാക്കിയത്. യാത്രക്കാര് പരിക്കുകളും ഇല്ലാതെ രക്ഷപ്പെട്ടു. അഗ്നിബാധയുടെ കാരണമെന്താണെന്നതില് ഇനിയും വ്യക്തത വന്നിട്ടില്ല.
റോഡില് നിരവധി വാഹനങ്ങള് ഉണ്ടായിരുന്ന സമയത്താണ് അപകടമുണ്ടായത്. കത്തുന്ന കാറിന് സമീപത്തായി ഇലക്ട്രിക് പോസ്റ്റുമുണ്ടായിരുന്നു. എന്നാല് വലിയ അപകടങ്ങളുണ്ടാവുന്നതിന് മുന്പ് അഗ്നിശമന സേനയെത്തി തീ നിയന്ത്രണ വിധേയമാക്കുകയായിരുന്നു.
Discussion about this post