തൃശൂര്: കണ്ണൂര് എഡിഎം നവീന് ബാബുവിന്റെ മരണവുമായി ബന്ധപ്പെട്ട് കേസെടുത്ത കണ്ണൂര് മുന് ജില്ലാ പഞ്ചായത്ത് പ്രസിഡന്റ് പിപി ദിവ്യയ്ക്കെതിരെ ഉടന് സംഘടനാ നടപടിയില്ലെന്ന് സിപിഎം.
നിലവില് നിയമനടപടികളുമായി മുന്നോട്ടു പോകട്ടെ. ഈ വിഷയം വിധി വന്ന ശേഷം വീണ്ടും ചര്ച്ച ചെയ്യാമെന്നും ഇന്നു തൃശൂരില് ചേര്ന്ന അടിയന്തര സംസ്ഥാന സെക്രട്ടേറിയറ്റ് യോഗം തീരുമാനിച്ചു.
നവീന് ബാബുവിന്റെ മരണവുമായി ബന്ധപ്പെട്ട് ആത്മഹത്യാ പ്രേരണാക്കുറ്റം ചുമത്തിയാണ് ദിവ്യക്കെതിരെ കേസെടുത്തത്. ദിവ്യ നല്കിയ മുന്കൂര് ജാമ്യാപേക്ഷയില് കോടതി വിധി വരാനിരിക്കുന്നതേയുള്ളു.
സംസ്ഥാന സെക്രട്ടേറിയറ്റ് യോഗത്തില് മുഖ്യമന്ത്രി പിണറായി വിജയന് ഉള്പ്പടെയുള്ളവര് സംബന്ധിച്ചു. വിവാദം ഉയര്ന്ന ഉടനെ തന്നെ ദിവ്യയെ ജില്ലാ പ്രസിഡന്റ് സ്ഥാനത്തു നിന്ന് നീക്കി നടപടിയെടുത്തിരുന്നെന്നും കൂടുതല് നടപടി വേണമോയെന്നത് കോടതി നടപടികള് എന്താണ് എന്നറിഞ്ഞതിനു ശേഷം മതിയെന്നുമായിരുന്നു യോഗത്തിന്റെ പൊതുവികാരം.
Discussion about this post