എറണാകുളം: ആംബുലന്സ് നിയന്ത്രണം വിട്ട് മതിലില് ഇടിച്ച് അപകടം. കൂത്താട്ടുകുളം – പാലാ റോഡിലാണ് അപകടം സംഭവിച്ചത്. അപകടത്തില് ആര്ക്കും പരിക്കുകള് ഇല്ല.
ഇന്ന് രാവിലെ 8.30 ആണ് സംഭവം. കൂത്താട്ടുകുളത്തു നിന്നും രോഗിയെ കൊണ്ടുവരുന്നതിനായി രാമപുരത്തേക്ക് പുറപ്പെട്ട ആംബുലന്സ് ആണ് അപകടത്തില്പ്പെടുകയായിരുന്നു.
നിയന്ത്രണം നഷ്ടപ്പെട്ട ആംബുലന്സ് സമീപത്തെ വീടിന്റെ മതിലിലേക്ക് ഇടിച്ചു കയറുകയായിരുന്നു. പാലാ റോഡില് മാരുതി കവലയ്ക്ക് സമീപത്തു വെച്ചായിരുന്നു അപകടം.
മഴയെ തുടര്ന്ന് റോഡില് വഴുക്കലുണ്ടായിരുന്നു. ഇതാണ് വാഹനത്തിന്റെ നിയന്ത്രണം നഷ്ടപ്പെടാന് കാരണമായതെന്ന് ദൃക്സാക്ഷികള് സാക്ഷ്യപ്പെടുത്തുന്നു.
അതേസമയം, അപകടത്തില് മതിലിന്റെ ഗേറ്റ് ഉള്പ്പെടുന്ന ഭാഗവും സമീപത്തു നിന്നിരുന്ന ടെലിഫോണ് പോസ്റ്റും തകര്ന്നിട്ടുണ്ട്.
Discussion about this post