ആലുവ: പെണ്കുട്ടിക്ക് മെസ്സേജ് അയച്ചതിന്റെ പേരില് യുവാവിനെ കൊലപ്പെടുത്താന് ശ്രമിച്ച കേസില് ഏഴുപേര് അറസ്റ്റില്. അയ്യമ്പുഴ സ്വദേശിയായ യുവാവിനെയാണ് ഏഴംഗ സംഘം കൊലപ്പെടുത്താന് ശ്രമിച്ചത്. കേസില് കാലടി മറ്റൂരിലെ ഗൗതം കൃഷ്ണ, അലക്സ്, ശിവപ്രസാദ്, അഭിജിത്ത്, ആകാശ്, മാര്ട്ടിന്, അങ്കമാലി പുളിയനത്തെ ഗോകുല് എന്നിവരാണ് പിടിയിലായത്. ഏഴുപേരും 25 വയസ് തികയാത്തവരാണ് പോലീസ് പറഞ്ഞു.
കേസിലെ പ്രതിയായ ഗൗതത്തിന്റെ കൂട്ടുകാരിക്ക് സന്ദേശമയച്ചതിന്റെ വൈരാഗ്യത്തിലാണ് ഇവര് അയ്യമ്പുഴക്കാരനായ യുവാവിനെ കൊലപ്പെടുത്താന് ശ്രമിച്ചത്. മറ്റൂരില് ഒരു റെസ്റ്റോറന്റിന് സമീപത്ത് വെച്ചാണ് ആദ്യം യുവാവിനെ ആക്രമിക്കാന് ശ്രമിച്ചത്. പക്ഷേ യുവാവ് ഓടി രക്ഷപ്പെട്ടു. എന്നാല് പുലര്ച്ചെ മറ്റൂരിലെ വീട്ടിലെത്തി യുവാവിനെ ബലമായി പിടിച്ചു കൊണ്ടു വന്ന് ആളൊഴിഞ്ഞ ഇടവഴിയിലെത്തിച്ച് മര്ദ്ദിക്കുകയും വടിവാളു കൊണ്ട് വെട്ടുകയും ചെയ്തു.
ഗുരുതര പരിക്കേറ്റ യുവാവ് ചികിത്സയിലാണ്. സംഭവത്തിന് പിന്നാലെ ഒളിവില് പോയ ഏഴുപേരെയും മണിക്കൂറുകള്ക്കുള്ളില് പോലീസ് പിടികൂടി.
Discussion about this post