മലപ്പുറം: പ്രായപൂർത്തിയാകാത്ത കുട്ടിയെ കൊണ്ട് ബൈക്ക് ഓടിപ്പിച്ച് പിന്നിൽ യാത്ര ചെയ്ത് മുതിർന്ന വ്യക്തി. മഞ്ചേരി കിടങ്ങഴിക്ക് സമീപമാണ് സംഭവം. കുട്ടിയെ കൊണ്ട് ബൈക്ക് ഓടിപ്പിക്കുന്നതിന്റെ ദൃശ്യങ്ങൾ സോഷ്യൽമീഡിയയിൽ പ്രചരിക്കുകയാണ്. ബൈക്കിൽ സഞ്ചരിച്ച രണ്ട് പേരും ഹെൽമറ്റ് ധരിച്ചിട്ടില്ല.
അതേസമയം, ബൈക്ക് അമിത വേഗതയിൽ ആയിരുന്നുവെന്ന് ദൃക്സാക്ഷികൾ പറഞ്ഞു. ദൃശ്യങ്ങൾ പകർത്തിയത് നാട്ടുകാരാണ്. സംഭവത്തിൽ അന്വേഷണം ആരംഭിച്ചു. ഇന്ന് രാവിലെ 9.30 ഓടെയാണ് സംഭവം.
മലപ്പുറം മഞ്ചേരി കിടങ്ങഴിക്ക് സമീപത്ത് നിന്നുള്ളതാണ് ദൃശ്യങ്ങളെന്നാണ് വിവരം. മുതിർന്ന ആൾ സിഗരറ്റ് വലിച്ച് പുറകിൽ ഇരുന്ന് കുട്ടിയെ കൊണ്ട് ബൈക്ക് ഓടിപ്പിക്കുകയായിരുന്നു. ബൈക്കിന് പുറകിൽ യാത്ര ചെയ്ത കാർ യാത്രക്കാരാണ് ദൃശ്യങ്ങൾ മൊബൈലിൽ പകർത്തിയിരിക്കുന്നത്.
Discussion about this post