തിരുവനന്തപുരം: തിരുവനന്തപുരം മേയര് ആര്യ രാജേന്ദ്രന്റെ ഫോണിലേക്ക് മോശം സന്ദേശമയച്ചയാള് അറസ്റ്റില്. എറണാകുളം സ്വദേശി ശ്രീജിത്തിനെയാണ് സൈബര് പോലീസ് അറസ്റ്റ് ചെയ്തത്.
നടുറോഡില് കെഎസ്ആര്ടിസി ഡ്രൈവറുമായുള്ള തര്ക്കത്തിന്റെ പേരില് സൈബല് ആക്രമണമുണ്ടെന്ന് ചൂണ്ടിക്കാട്ടി മേയര് ആര്യ രാജേന്ദ്രന് നല്കിയ പരാതിയില് രണ്ട് കേസുകളാണ് പോലീസ് ഇന്നലെ എടുത്തിരുന്നത്.
മേയറുടെ ഔദ്യോഗിക ഫോണിലേക്ക് മോശം സന്ദേശമയച്ചയാള്ക്കെതിരെയാണ് ഒരു കേസ്. നവമാധ്യമങ്ങളിലൂടെ അധിക്ഷേപിച്ചുവെന്ന പരാതിയിലാണ് രണ്ടാമത്തെ കേസ്.
അതേസമയം, ഔദ്യോഗിക കൃത്യനിര്വഹണം തടസപ്പെടുത്തി അപമാനിച്ചവര്ക്കെതിരെയും ഇത് സംബന്ധിച്ച് പരാതി നല്കിയിട്ടും കേസെടുക്കാത്ത കന്റോണ്മെന്റ് എസ്എച്ച്ഒക്കെതിരെയും നിയമ നടപടി സ്വീകരിക്കണമെന്ന ബസ് ഡ്രൈവറുടെ പരാതിയെ കുറിച്ച് അന്വേഷണത്തിന് മനുഷ്യാവകാശ കമ്മീഷന് ഉത്തരവിട്ടു.
Discussion about this post