കൊച്ചി: ഇന്ന് വിവിധ ജില്ലകളില് മഴയ്ക്ക് സാധ്യതയെന്ന് മുന്നറിയിപ്പുമായി കാലാവസ്ഥാ കേന്ദ്രം. ആലപ്പുഴ, എറണാകുളം, തൃശ്ശൂര് ജില്ലകളിലാണ് നേരിയതോ, മിതമായ മഴയ്ക്കോ സാധ്യതയുള്ളത്.
അതേസമയം, തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, പാലക്കാട്, കോഴിക്കോട്, വയനാട്, കണ്ണൂര് ജില്ലകളിലും നേരിയ മഴയ്ക്കും സാധ്യതയുണ്ട്.
കഴിഞ്ഞ ദിവസം രാത്രി 9 മണിയോടെ തിരുവനന്തപുരം നഗരഭാഗങ്ങളില് ശക്തമായ മഴ ലഭിച്ചിരുന്നു. കോട്ടയം ജില്ലയുടെ കിഴക്കന് മേഖലയില് ഉച്ചക്ക് ശേഷം ശക്തമായ മഴയാണ് ലഭിച്ചത്.
പാലാ, ഭരണങ്ങാനം, പൂഞ്ഞാര് , മേലുകാവ് , ഈരാറ്റുപേട്ട മേഖലകളിലെല്ലാം മഴ പെയ്തു. കേരള തീരത്തും തെക്കന് തമിഴ്നാട് തീരത്തും ഇന്ന് രാത്രി 11.30 വരെ 0.5 മുതല് 1.2 മീറ്റര് വരെയും ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രവും അറിയിച്ചിട്ടുണ്ട്.
Discussion about this post