തിരുവനന്തപുരം: കെബി ഗണേഷ് കുമാറും, കടന്നപ്പള്ളി രാമചന്ദ്രനും മന്ത്രിമാരാകും. ഇതു സംബന്ധിച്ച് അന്തിമതീരുമാനം നാളെ നടക്കും. ഗണേഷ് കുമാറിന് ഗതാഗതവും കടന്നപ്പള്ളിക്ക് തുറമുഖ വകുപ്പുമാണ് ലഭിക്കുക. സത്യപ്രതിജ്ഞ 29ന് നടക്കും.
നവകേരള സദസ്സിന് ശേഷം ഡിസംബര് അവസാനം മന്ത്രിസഭാ പുനഃസംഘടന നടക്കുമെന്ന് ഇടത് മുന്നണി കണ്വീനര് ഇ പി ജയരാജന് അറിയിച്ചിരുന്നു. രണ്ടാം പിണറായി മന്ത്രിസഭയുടെ പുനഃസംഘടന വേഗത്തില് വേണമെന്നാവശ്യപ്പെട്ട് കേരളാ കോണ്ഗ്രസ് (ബി) എല്ഡിഎഫ് മുന്നണി നേതൃത്വത്തിന് കത്ത് നല്കിയിരുന്നു.
നവകേരള സദസിന് മുന്പ് പുനഃസംഘടന വേണമെന്നായിരുന്നു ആവശ്യം. എന്നാല് മന്ത്രിസഭാ പുനഃസംഘടന നവകേരള സദസിന് ശേഷം മാത്രമേ നടക്കൂവെന്ന് മുഖ്യമന്ത്രി പിണറായി വിജയന് മറുപടി നല്കിയിരുന്നു.
ഈ മാസം 20ന് പിണറായി മന്ത്രിസഭ രണ്ടരവര്ഷം പൂര്ത്തിയാക്കും. ആദ്യ രണ്ടര വര്ഷം കെ കൃഷ്ണന്കുട്ടി, ആന്റണി രാജു എന്നിവര്ക്കും രണ്ടാമത്തെ രണ്ടര വര്ഷം ഗണേഷ് കുമാറിനും രാമചന്ദ്രന് കടന്നപ്പള്ളിക്കും മന്ത്രിസ്ഥാനം നല്കുമെന്നത് എല്ഡിഎഫ് നേതൃത്വം നേരത്തെ നല്കിയ ഉറപ്പാണ്. ഇതാണ് ഇടത് മുന്നണി പാലിക്കാനൊരുങ്ങുന്നത്.
Discussion about this post