മഞ്ചേശ്വരം: നവകേരള സദസിന്റെ ആദ്യ ദിനമായ ഇന്നലെ മഞ്ചേശ്വരത്ത് ലഭിച്ചത് 2235 പരാതികള്. പരാതികളില് 45 ദിവസത്തിനകം പരിഹാരം കാണണമെന്ന് സര്ക്കാര് നിര്ദേശിച്ചു. ജില്ലയിലെ മന്ത്രിമാര് ഇതിന്റെ മേല്നോട്ടച്ചുമതല വഹിക്കും. അതേസമയം നവകേരള സദസിന്റെ രണ്ടാം ദിനമായ ഇന്ന് കാസര്കോട് ജില്ലയിലെ മണ്ഡലങ്ങളില് പര്യടനം പൂര്ത്തിയാക്കും. രാവിലെ 9 മണിക്ക് മുഖ്യമന്ത്രി പിണറായി വിജയന് ജില്ലയിലെ പൗരപ്രമുഖരുമായി കൂടിക്കാഴ്ച നടത്തും.
ഇന്ന് രാവിലെ 10.30 മുഖ്യമന്ത്രി മാധ്യമങ്ങളെ കാണും. തുടര്ന്ന് കാസര്ഗോഡ് മണ്ഡലം നവ കേരള സദസ്സ് നായന്മാര്മൂല മിനി സ്റ്റേഡിയത്തില് നടക്കും. വൈകീട്ട് മൂന്ന് മണിക്ക് ഉദുമയിലും നാലരയ്ക്ക് കാഞ്ഞങ്ങാടും ആറുമണിക്ക് തൃക്കരിപ്പൂരിലുമാണ് നവകേരള സദസ്. നാളെ കണ്ണൂര് ജില്ലയിലാണ് പര്യടനം.
ജനങ്ങളില് നിന്ന് നിര്ദേശങ്ങള് സ്വീകരിക്കാനും അവരുടെ പരാതികള്ക്ക് പരിഹാരം കാണാനും മുഖ്യമന്ത്രി പിണറായി വിജയനും 20 മന്ത്രിമാരും ഒരു ബസില് 140 നിയോജക മണ്ഡലങ്ങളിലും പര്യടനം നടത്തുന്നതാണ് ‘നവകേരള സദസ്’. വിവിധ ജില്ലകളിലെ പരിപാടികള് പൂര്ത്തിയാക്കി ഡിസംബര് 23 ന് വൈകീട്ട് ആറിന് തിരുവനന്തപുരം വട്ടിയൂര്ക്കാവിലാണ് നവകേരള സദസിന്റെ സമാപനം.
ഉദുമ, തൃക്കരിപ്പൂര്, കാഞ്ഞങ്ങാട് എന്നീ മണ്ഡലങ്ങളിലും മന്ത്രിസഭ ഓടിയെത്തും. പ്രവര്ത്തി ദിനം ആക്കിയ ശേഷമുള്ള ആദ്യം ഞായര് കൂടിയാണിത്. തലശ്ശേരി അതിരൂപതയും ജീവനക്കാരുടെ സംഘടനകളുമടക്കം ഇതിനെതിരെ രംഗത്തെത്തിയിട്ടുണ്ട്. സര്ക്കാര് നയങ്ങള് നടപ്പിലാക്കാന് ഉദ്യോഗസ്ഥര് ബാധ്യസ്ഥരാണ് എങ്കിലും ജോലിക്ക് എത്താന് ആരെയും നിര്ബന്ധിക്കില്ലെന്നാണ് ജില്ലാ ഭരണകൂടത്തിന്റെ നിലപാട്.
Discussion about this post