കൊടുവള്ളി: കോഴിക്കോട് കാറിടിച്ചു പരുക്കേറ്റു ചികിത്സയിലായിരുന്ന രണ്ടു സ്ത്രീകള് മരിച്ചു. വാവാട് കണ്ണിപ്പുറായില് സുഹറ (50), പുല്ക്കുഴിയില് ആമിന (70) എന്നിവരാണു മരിച്ചത്.
ഇവര് റോഡ് മുറിച്ചുകടക്കുന്നതിനിടെയായിരുന്നു അപകടം. ശനിയാഴ്ച രാത്രി വാവാടു സിവില് സപ്ലൈസ് ഗോഡൗണിനു സമീപത്തായിരുന്നു അപകടം. അഞ്ചു സ്ത്രീകളെയാണു റോഡു മുറിച്ചു കടക്കുന്നതിനിടെ കാറിടിച്ചു തെറിപ്പിച്ചത്.
also read: ബൈക്കും ലോറിയും കൂട്ടിയിടിച്ച് അപകടം, ജോലി കഴിഞ്ഞ് മടങ്ങുകയായിരുന്ന പോലീസുദ്യോഗസ്ഥന് ദാരുണാന്ത്യം
വാവാടു പുതിയ ജാറത്തിനു സമീപത്തെ വിവാഹ വീട്ടില് നിന്നു മടങ്ങുകയായിരുന്നു ഇവര്. കൊടുവള്ളി ഭാഗത്തുനിന്നു താമരശ്ശേരി ഭാഗത്തേക്കു പോകുകയായിരുന്ന കാറാണ് അപകടത്തിനിടയാക്കിയത്.
സുഹറയുടെ സഹോദരി കണ്ണിപ്പുറായില് മറിയ (65) സംഭവ ദിവസം തന്നെ മരിച്ചിരുന്നു. കുളങ്ങരക്കണ്ടിയില് മറിയ, കുളങ്ങരകണ്ടിയില് ഫിദ (23) എന്നിവര് ചികിത്സയിലാണ്.
Discussion about this post