കോഴിക്കോട്: നിയന്ത്രണം വിട്ട കാര് മതിലില് ഇടിച്ചുണ്ടായ അപകടത്തില് നിന്നും പിഞ്ചു കുഞ്ഞടക്കം നാല് യാത്രക്കാര് അത്ഭുതകരമായി രക്ഷപ്പെട്ടു. കോഴിക്കോട് കരുമലയില് ഇന്നലെ രാത്രിയാണ് സംഭവം. കൊയിലാണ്ടി-എടവണ്ണ സംസ്ഥാന പാതയില് രാത്രി പത്തരയോടെയാണ് അപകടം നടന്നത്.
കാര് നിയന്ത്രണം വിട്ട് ഇടതുവശത്ത് റോഡരികിലെ വീടിന്റെ മതിലില് ഇടിക്കുകയായിരുന്നു. തുടര്ന്ന് വായുവില് ഉയര്ന്നുപൊങ്ങി. പിന്നീട് നിലത്തുവീണ കാര് കറങ്ങിത്തിരിഞ്ഞ് തലകീഴായി നില്ക്കുകയായിരുന്നു. അപകടത്തെ തുടര്ന്ന് ഈ പാതയില് ഗതാഗതം ഭാഗികമായി തടസപ്പെട്ടു.
പിഞ്ചു കുഞ്ഞടക്കം നാല് പേരാണ് അപകടത്തില് പെട്ട കാറിലുണ്ടായിരുന്നത്. നാല് പേര്ക്കും കാര്യമായി ഒന്നും സംഭവിച്ചില്ലെന്നാണ് റിപ്പോര്ട്ടുകള്. സീറ്റ് ബെല്റ്റ് അടക്കമുള്ള സുരക്ഷാ സംവിധാനങ്ങള് പാലിച്ചതിനാലാണ് യാത്രക്കാര് രക്ഷപ്പെട്ടത്. സംഭവത്തിന്റെ സിസിടിവി ദൃശ്യങ്ങള് പുറത്തുവന്നു. അപകടത്തില് കൈക്ക് പരിക്കേറ്റ പുനൂര് സ്വദേശിയായ യുവതി ഇപ്പോള് സ്വകാര്യ ആശുപത്രിയില് ചികിത്സയില് കഴിയുകയാണ്.
Discussion about this post