കൊച്ചി: തെന്നിന്ത്യന് താരം അമല പോളിന് തിരുവൈരാണിക്കുളം മഹാദേവ ക്ഷേത്രത്തില് ദര്ശനം നിഷേധിച്ചു. നടതുറപ്പ് ഉത്സവത്തോട് അനുബന്ധിച്ച് ഇന്നലെയാണ് നടി ക്ഷേത്ര ദര്ശനത്തിനായി എത്തിയത്.
എന്നാല് ക്ഷേത്രത്തില് ഹിന്ദുമതവിശ്വാസികള്ക്ക് മാത്രമാണ് പ്രവേശനമെന്ന ആചാരം ചൂണ്ടിക്കാട്ടിയാണ് അധികൃതര് ദര്ശനം നിഷേധിച്ചത്. തുടര്ന്ന് റോഡില് നിന്ന് ദര്ശനം നടത്തി പ്രസാദവും വാങ്ങി അമല പോള് മടങ്ങുകയായിരുന്നു.
തിരുവൈരാണിക്കുളം മഹാദേവ ക്ഷേത്രത്തില് പാര്വതീ ദേവിയുടെ 12 ദിവസത്തെ നടതുറപ്പ് ഉത്സവം ഇന്നലെയാണ് സമീപിച്ചത്. 1991 മേയില് രൂപീകൃതമായ തിരുവൈരാണിക്കുളം മഹാദേവ ക്ഷേത്ര ട്രസ്റ്റിനു കീഴിലാണ് ഇപ്പോള് ക്ഷേത്ര ഭരണം.
നിലവിലെ ആചാരങ്ങള് പാലിക്കുക മാത്രമാണ് ചെയ്തതെന്ന് ക്ഷേത്ര ഭാരവാഹികള് പറഞ്ഞു. ‘ഇതരമത വിശ്വാസികള് അമ്പലത്തില് എത്തുന്നില്ലെന്ന് പറയുന്നില്ല. പക്ഷെ അതൊന്നും ആരും അറിയുന്നില്ല. എന്നാല് ഒരു സെലിബ്രിറ്റി വരുമ്പോള് അതു വിവാദമാകും. ഇത് മനസിലാക്കിയാണ് ഇടപെട്ടത്’ എന്ന് ട്രസ്റ്റ് സെക്രട്ടറി പ്രസൂണ് കുമാര് വ്യക്തമാക്കി.
Discussion about this post