കോട്ടയം: നിര്‍മാണ ജോലിക്കിടെ മണ്ണിടിഞ്ഞുവീണ് കുടുങ്ങിയയാളെ രക്ഷപെടുത്തി. കോട്ടയം ജില്ലയിലെ മറിയപ്പള്ളിയിലാണ് സംഭവം. അതിഥിത്തൊഴിലാളി സുശാന്താണ് മണ്ണിനടിയില്‍ കുടുങ്ങിയത്.
ഇന്ന് രാവിലെ എട്ടരയോടെയാണ് അപകടമുണ്ടായത്. നിര്‍മ്മാണ ജോലിക്കിടെ തൊഴിലാളികളുടെ ദേഹത്തേക്ക് മണ്ണിടിഞ്ഞ് വീഴുകയായിരുന്നു. സുശാന്തിന്റെ നെഞ്ചിന് താഴെയുള്ള ഭാഗം മണ്ണിനടിയില്‍പ്പെട്ടിരുന്നു.
അഗ്‌നിശമന സേന- പൊലീസ് അംഗങ്ങളുടെ മൂന്ന് മണിക്കൂറോളം നീണ്ട പ്രയത്‌നത്തിനൊടുവിലാണ് അപകടത്തില്‍പ്പെട്ടയാളെ രക്ഷിക്കാനായത്. ഇയാളെ ആശുപത്രിയിലെത്തിച്ചു.