മലപ്പുറം: വഴിക്കടവില് യാത്രക്കാരിയെ ബലാത്സംഗം ചെയ്ത ഓട്ടോ ഡ്രൈവര് അറസ്റ്റില്. മരുത സ്വദേശി തോരപ്പ ജലീഷ് ബാബു എന്ന ബാബുവി(41)നെയാണ് വഴിക്കടവ് പോലീസ് അറസ്റ്റ് ചെയ്തത്.
കഴിഞ്ഞ വ്യാഴാഴ്ചയായിരുന്നു കേസിനാസ്പദമായ സംഭവം. യാത്രക്കാരി കയറിയതിനു പിന്നാവെ ഓട്ടോറിക്ഷ വഴി തിരിച്ചുവിട്ട് ജലീഷ് ബാബു ഇരുള്കുന്നിലെ കാട്ടിലെത്തിച്ച് ബലാത്സംഗം ചെയ്തെന്നാണ് പരാതി. വ്യാഴാഴ്ച വൈകിട്ട് ഏഴരയോടെയാണ് ജോലി കഴിഞ്ഞ് വീട്ടിലേക്ക് പോവുകയായിരുന്ന യുവതി വഴിക്കടവില് നിന്ന് ഇയാളുടെ ഓട്ടോയില് കയറിയത്.
എന്നാല് യാത്രയ്ക്കിടെ ഇയാള് ഓട്ടോ വഴിതിരിച്ച് വിടുകയും ഇരുള്കുന്നിലെ വനപ്രദേശത്തേക്ക് യുവതിയെ കൊണ്ടുപോവുകയുമായിരുന്നു. തുടര്ന്ന് ഇവിടെവെച്ച് യുവതിയെ ബലാത്സംഗം ചെയ്തെന്നാണ് പരാതിയില് പറയുന്നത്.
Read Also: ‘രാഷ്ട്രീയക്കാര്ക്ക് ഈ പുരസ്കാരം പതിവില്ല’: മഗ്സസെ പുരസ്കാരം നിരസിച്ച് കെകെ ശൈലജ
സംഭവത്തിന് പിന്നാലെ യുവതി പോലീസിന് പരാതി നല്കി. തുടര്ന്ന് ജില്ലാ പോലീസ് മേധാവിയുടെ നിര്ദേശപ്രകാരം പ്രത്യേകസംഘം കേസെടുത്ത് അന്വേഷണം ആരംഭിക്കുകയും കഴിഞ്ഞദിവസം പ്രതിയെ പിടികൂടുകയുമായിരുന്നു.
Discussion about this post