കാഞ്ഞങ്ങാട് ; കിട്ടുന്ന പണമെല്ലാം ഭണ്ഡാരപ്പെട്ടിയിൽ 2 വർഷത്തോളം സൂക്ഷിച്ചാണ് 9വയസുകാരനായ മുഹമ്മദ് തന്റെ സ്വപ്ന സൈക്കിൾ വാങ്ങിയത്. എന്നാൽ ഓടിച്ചു കൊതി തീരും മുൻപേ സൈക്കിൾ വീട്ടുമുറ്റത്തു നിന്ന് കള്ളൻ കൊണ്ട് പോയി.
ഇതോടെ, ആകെ സങ്കടത്തിൽ നിൽക്കുകയാണ് കാഞ്ഞങ്ങാട് കുശാൽ നഗർ സ്വദേശിയായ ഈ 9 വയസ്സുകാരൻ. തന്റെ സൈക്കിൾ തിരികെ തരണമെന്ന് അപേക്ഷിച്ച് സമൂഹ മാധ്യമത്തിലടക്കം സങ്കടം പങ്കുവെച്ച് രംഗത്ത് വന്നു. 12,000രൂപയാണ് സൈക്കിളിന് വില. സൈക്കിൾ സ്വന്തമാക്കാനായി 2 വർഷം മുൻപാണ് മുഹമ്മദ് പണം സ്വരൂപിക്കാൻ തുടങ്ങിയത്.
കഴിഞ്ഞ പെരുന്നാളിന് കിട്ടിയ പണം കൂടിയായപ്പോൾ സൈക്കിൾ സ്വന്തമാക്കാനുള്ള തുക തികഞ്ഞു. ഇതോടെ ഉപ്പയുടെ സഹായത്തോടെ സൈക്കിൾ വാങ്ങി. ഓടിച്ച് കൊതി തീരും മുൻപാണ് സൈക്കിൾ മോഷണം പോയത്. മുഹമ്മദിന്റെ സങ്കടം പിതാവ് അബ്ദുൽ സലാം ആണ് സോഷ്യൽ മീഡിയയിൽ പങ്കുവെച്ചത്.
Discussion about this post