കൊച്ചി: ലവ് ജിഹാദിനൊപ്പം കേരളത്തില് നാര്ക്കോട്ടിക് ജിഹാദും നടക്കുന്നുണ്ടെന്ന പാലാ ബിഷപ്പ് മാര് ജോസഫ് കല്ലറങ്ങാട്ടിന്റെ ആരോപണത്തില് വിമര്ശനം ഉയരുകയാണ്. സംഭവത്തില് പ്രതികരിച്ച് സിനിമ സംവിധായകന് ജിയോ ബേബി രംഗത്തെത്തി.
ഫേസ്ബുക്കിലൂടെയായിരുന്നു താരത്തിന്റെ പ്രതികരണം.’വായില് തോന്നുന്നത് അങ്ങ് വിളിച്ചു പറയുവാണ്. താനെന്തൊരു വൃത്തികെട്ടവന് ആണെടോ വിഷ പ്പേ’ എന്നാണ് ജിയോ കുറിച്ചത്. ക്രിസ്ത്യന് മതത്തില് പെട്ട പെണ്കുട്ടികളെയും യുവാക്കളെയും ലവ് ജിഹാദിലൂടെയും നാര്ക്കോട്ടിക് ജിഹാദിലൂടെയും വഴിതെറ്റിക്കുന്നെന്നും ഇതിന് സഹായം നല്കുന്ന ഒരു വിഭാഗം കേരളത്തില് പ്രവര്ത്തിക്കുന്നുണ്ടെന്നും ബിഷപ്പ് മാര് ജോസഫ് കല്ലറങ്ങാട്ട് ആരോപിച്ചു.
എട്ട് നോമ്പ് പെരുന്നാളിനോടനുബന്ധിച്ച് കുറുവിലങ്ങാട് പള്ളിയില് നടത്തിയ പ്രസംഗത്തിലാണ് ബിഷപ്പിന്റെ പരാമര്ശം. ലവ് ജിഹാദ് ഇല്ല എന്നു പറയുന്ന രാഷ്ട്രീയക്കാരുള്പ്പെടെ കണ്ണടച്ച് ഇരുട്ടാക്കുകയാണെന്നും ഇതിന് പിന്നില് നിക്ഷിപിത താല്പര്യം ഉണ്ടെന്നും ബിഷപ്പ് ആരോപിച്ചു.
‘ജിഹാദികളുടെ കാഴ്ചപ്പാടില് അമുസ്ലിങ്ങള് നശിപ്പിക്കപ്പെടേണ്ടവരാണ്. ലക്ഷ്യം മത വ്യാപനവും അമുസ്ലിങ്ങളുടെ നാശവും ആവുമ്പോള് അതിന് സ്വീകരിക്കുന്ന ചില മാര്ഗങ്ങള്ക്ക് പല രൂപങ്ങളും ഉണ്ടാവുന്നുണ്ട്. അത്തരം രണ്ട് മാര്ഗങ്ങളാണ് ഇന്ന് വ്യാപകമായി ചര്ച്ച ചെയ്യപ്പെടുന്ന ലവ് ജിഹാദും നാര്കോട്ടിക് ജിഹാദും. ദുരുപയോഗിക്കുക, മതം മാറ്റുക, തീവ്രവാദ പ്രവര്ത്തനങ്ങള്ക്ക് ഉപയോഗിക്കുക, വിശ്വാസ ത്യാഗം ചെയ്യിക്കുക, സാമ്പത്തിക നേട്ടം ഉണ്ടാക്കുക തുടങ്ങിയ ലക്ഷ്യങ്ങള് നേടാനാണ് മറ്റു മതത്തില് പെട്ട പെണ്കുട്ടികളെ പ്രണയിച്ചോ മറ്റു മാര്ഗങ്ങളിലൂടെയോ ജിഹാദികള് വശത്താക്കുന്നത്’, ബിഷപ്പ് പറഞ്ഞു.
Discussion about this post